قارجى ەرەجەسى جاڭارادى

تيمۋر سۇلەيمەنوۆتىڭ ايتۋىنشا, ۇلتتىق بانك ماكروەكونوميكالىق جانە قارجىلىق تۇراقتىلىقتى قامتاماسىز ەتۋگە باعىتتالعان جۇمىسىن جالعاستىرادى. ينفلياتسيانىڭ ءوسۋ تاۋەكەلىن تەجەۋ ءۇشىن ەلدە دەزينفلياتسيالىق ساياسات جۇرگىزىلمەك. اقشا-كرەديت قۇرالدارىنا قوسىمشا رەتىندە بىرقاتار كەشەندى شارالار قولعا الىنۋدا.

اتاپ ايتقاندا:
– التىن ساتىپ الۋ اياسىندا ۆاليۋتالىق وپەراتسيالار تەڭگەرىمىن ساقتاۋ جالعاسادى;
– جەكە تۇلعالاردىڭ نەسيەلەرى بويىنشا كونترتسيكلدىك كاپيتال بۋفەرى ەنگىزىلەدى;
– بانكتەر ءۇشىن مىندەتتى رەزەرۆتەردىڭ ەڭ تومەنگى تالاپتارىن ارتتىرۋ پىسىقتالۋدا;
– ۇلتتىق قور مەن بىرىڭعاي جيناقتاۋشى زەينەتاقى قورى پورتفەلىندەگى كىرىستىلىگى جوعارى اكتيۆتەردىڭ ۇلەسىن كوبەيتۋ كوزدەلىپ وتىر.

سونىمەن قاتار قارجى سەكتورىنىڭ تسيفرلىق ترانسفورماتسياسى جالعاسىپ جاتىر. تسيفرلىق تەڭگەنى ماسشتابتاۋ جۇمىستارى جۇرگىزىلۋدە. بۇل باعىت مەملەكەتتىك قارجىنى باسقارۋدا جاڭا تاسىلدەردى قولدانۋدى قامتيدى.

مەملەكەت باسشىسىنىڭ تاپسىرماسىنا سايكەس بيىل ەلىمىزدىڭ قارجى زاڭناماسىن كەشەندى جاڭعىرتۋ جوسپارى ازىرلەنۋدە. بۇل پاكەت بانكتەر, تولەم جۇيەلەرى, باعالى قاعازدار نارىعى جانە تسيفرلىق قارجى اكتيۆتەرىن رەتتەۋ ماسەلەلەرىن قامتيدى. ۇلتتىق تسيفرلىق قارجى ينفراقۇرىلىمىن قالىپتاستىرۋ مەن تولەم نارىعىن دامىتۋ دا باسىم باعىتتاردىڭ قاتارىندا.

ۇلتتىق بانك باسشىسى اتاپ وتكەندەي, بۇل باستامالار قارجى جۇيەسىنىڭ تيىمدىلىگىن ارتتىرىپ قانا قويماي, ەكونوميكانىڭ ءتۇرلى سالالارىنا سەرپىن بەرەدى جانە ازاماتتاردىڭ ءال-اۋقاتىن جاقسارتۋعا ىقپال ەتەدى.