وقيعا كۋاگەرلەردىڭ ايتۋىنشا, ءبىر ساتتە كران جۇرگىزۋشىسى رولگە يە بولا الماي, جول ۇستىندە Mercedes پەن KIA ماركالى ەكى كولىكتى سوعىپ وتكەن.
ودان سوڭ ول ارى قاراي جۇيتكي, جولدىڭ قارسى بەتىنە شىعىپ, ءىشى ادامعا تولى جولاۋشىلار اۆتوبۋسىمەن بەتپە-بەت سوقتىعىسقان.
قاتتى سوققىدان اۆتوبۋس كەرىگە كەتىپ, Subaru ماركالى كولىگىن سوعىپ جىبەرەدى.
Subaru جول ۇستىندە شىر اينالىپ, قايتادان اۆتوبۋستىڭ ارتقى جاعىنا سوعىلادى.
بولجام بويىنشا, Mercedes كولىگىندە بەس بالاسى بار ايەل بولعان. ولاردىڭ جاعدايى تۋرالى ءالى ەشتەڭە بەلگىسىز.
سوڭعى مالىمەتتەر بويىنشا, 20-دان استام اۆتوبۋس جولاۋشىسى دارىگەرلەر كومەگىنە جۇگىنگەن.
وقيعا ورنىندا جول پوليتسياسىنىڭ قىزمەتكەرلەرى جۇمىس ىستەپ جاتىر, ولار وقيعانىڭ بارلىق ءمان-جايىن انىقتايتىن بولادى.
