قر تۋريزم جانە سپورت مينيسترلىگىنە قاراستى ويىن بيزنەسىن جانە لوتەرەيانى رەتتەۋ كوميتەتىنىڭ توراعاسى ادىلەت تۇرعانباەۆ اتاپ وتكەندەي, بەج جۇيەسى بورىشكەرلەردىڭ, سوت شەشىمى شىققان تۇلعالاردىڭ, مەملەكەتتىك قىزمەتكەرلەردىڭ, اسكەري جانە قۇقىق قورعاۋ ورگاندارى قىزمەتكەرلەرىنىڭ قۇمار ويىندارعا قاتىسۋىنا اۆتوماتتى تۇردە شەكتەۋ قويادى.
سونىمەن قاتار جۇيە قاتىسۋشىلاردى ارنايى تىزىمدەر بويىنشا تەكسەرىپ, رۇقسات ەتىلمەگەن ازاماتتاردى اۆتوماتتى تۇردە ويىننان شەتتەتەدى. سونىمەن قاتار, سايكەستەندىرۋ ەكى دەڭگەيدە جۇرگىزىلەدى, ونىڭ ءبىرى – بيومەتريالىق تەكسەرۋ.
«قازىرگى ۋاقىتتا ءبىزدىڭ ءبىرىنشى كەزەكتەگى مىندەتىمىز – كامەلەتكە تولماعانداردى, بورىشكەرلەردى, ءوزىن-ءوزى شەكتەگەندەردى جانە زاڭ بويىنشا قۇمار ويىندار ويناۋعا قۇقىعى جوق باسقا دا ساناتتاعى ازاماتتاردىڭ ءباس تىگۋىنە جول بەرمەۋ», - دەدى تۇرعانباەۆ.
بەج سونىمەن بىرگە ادامنىڭ ءباس تىگۋگە دەگەن ارەكەتتەرىن تالداي وتىرىپ, تاۋەلدىلىككە بەيىم مىنەز-ق ۇلىقتى ەرتە كەزەڭدە انىقتايدى. ءباس تىگۋدىڭ جيىلىگى مەن سيپاتى تالدانىپ, قاجەت بولعان جاعدايدا جۇيە مۇنداي ويىنشىلارعا كومەك قاجەت ەكەنىن ەسكەرتەدى.
ء«بىز حالىقارالىق تاجىريبەنى زەرتتەدىك. مىسالى, كەيبىر ەلدە ادام شەكتەن اسىپ كەتپەۋى جانە تاۋەلدىلىككە تۇسپەۋى ءۇشىن ءباس تىگۋدىڭ جيىلىگىن شەكتەۋ قاراستىرىلعان. مۇنداي جۇيە ءباس تىگۋگە كوپ ۋاقىت جۇمساعان ويىنشىعا «ويلانىپ الۋ كەزەڭىن» ۇسىنادى», دەدى قر قما پرەۆەنتسيالار باسقارماسى باسشىسىنىڭ ورىنباسارى داۋرەن م ۇلىكوۆ.
داۋرەن م ۇلىكوۆ بۇل ءتاسىل ادامنىڭ اقشادان عانا ەمەس, ءوزىن-ءوزى باقىلاۋدان دا ايىرىلىپ جاتقانىن تۇسىنۋىنە كومەكتەسەتىنىن اتاپ ءوتتى.
«ەگەر ادام قايتا-قايتا ۇتىلىپ, توقتاي الماي جاتسا, جۇيە ونى ۋاقىتشا شەكتەي الادى. بىراق ەگەر ول ۇتسا, - جۇيە ارەكەتىن بۇعاتتامايدى. الگوريتمدەر ءباس تىگۋدىڭ جيىلىگى مەن سيپاتىن ەسكەرەدى», دەپ ءتۇسىندىردى ول.
سونىمەن قاتار, بەج جۇيەسى پايدالانۋشىلارعا اي سايىنعى ءباس تىگۋ سانى مەن كولەمىنە جەكە ليميت ورناتۋعا مۇمكىندىك بەرەدى. ەگەر ويىنشى بۇل ليميتتەن اسىپ كەتسە, جۇيە جاڭا ءباس قابىلدامايدى.
داۋرەن م ۇلىكوۆتىڭ دەرەگىنە سۇيەنسەك, جىل سايىن شامامەن 200 ادام قۇمار ويىنعا بايلانىستى ءوز-وزىنە قول جۇمسايدى, بىراق دەنساۋلىق ساقتاۋ جۇيەسىندە تىركەلگەندەر سانى وتە از. وسىعان وراي, بەج جۇيەسى ازاماتتارعا پسيحولوگيالىق كومەك الۋ قاجەتتىلىگى جونىندە حابارلاما جىبەرىپ, قولداۋ كورسەتەتىن ورتالىقتارمەن بايلانىس ورناتۋدى جوسپارلاپ وتىر.
«جۇيە ادامعا «سىزدە پروبلەما بار, سىزگە پسيحولوگيالىق كومەك قاجەت» دەپ جازادى. ءبىز مەملەكەتتىك جانە جەكە ورتالىقتارمەن بايلانىس ورناتامىز. بۇل توتەنشە جاعدايلارعا جەتكىزبەۋ ءۇشىن الدىن الۋ شاراسى بولادى», دەدى ادىلەت تۇرعانباەۆ.
سپيكەرلەردىڭ ايتۋىنشا, بەج قازاقستانداعى تاۋەلدىلىكتى ەرتە انىقتاۋعا ارنالعان العاشقى قۇرال بولادى جانە مىڭداعان ازاماتتى قايعىلى جاعدايدان ساقتاۋعا سەپتىگىن تيگىزەدى.
