باعانىڭ وسۋىنە نەگىزگى سەبەپ – ءوندىرۋشى كاسىپورىنداردىڭ ءوز باعالارىن 16,9%-عا كوتەرۋى. سونىمەن قاتار, يمپورتتىق ءونىم دە 10%-دان استام قىمباتتاعان.
نارىقتاعى بالمۇزداقتىڭ 85%-عا جۋىعى – وتاندىق ءونىم. 2024 جىلدىڭ العاشقى ءتورت ايىندا ەلدە 16,6 مىڭ توننا بالمۇزداق ءوندىرىلىپ, ونىڭ 15,3 مىڭ تونناسى ىشكى نارىقتا ساتىلعان. ەكسپورت كولەمى 41,6%-عا ارتقان.
جىل باسىنان بەرى تۇتىنۋ كولەمى دە ءوستى. ءار قازاقستاندىق ورتا ەسەپپەن 1,8 كگ بالمۇزداق جەگەن. جازعى ماۋسىمدا بۇل كورسەتكىش 9 دانا بالمۇزداققا تەڭ كەلەدى.
