اتالعان اۋماقتا جاعاجاي ۆولەيبولى مەن فۋتبولعا ارنالعان الاڭدارمەن قاتار, ۇستەل ويىندارىنا لايىقتالعان ورىندار – توعىزقۇمالاق پەن شاحمات ۇستەلدەرى, بالالار مەن جاسوسپىرىمدەرگە ارنالعان ويىن جانە ۆوركاۋت الاڭدارى ورناتىلعان.
ەڭ كوڭىل قۋانتارى – اۋماقتىڭ ۇلتتىق ناقىشتا بەزەندىرىلۋى. تروتۋار تاستارى قازاقى ويۋلارمەن كومكەرىلىپ, كىرەبەرىس تۇسقا حالقىمىزدىڭ كونە ۇلتتىق ويىنى — التىباقان قويىلعان. الاڭ ورتاسىنا كەسەدەن توگىلگەن اق ءسۇت ىسپەتتى گۇل كومپوزيتسياسى ورنالاستىرىلىپ, راۋشان گۇلدەرى ەگىلگەن. اينالا تۇگەل كوگالداندىرىلعان. جوندەۋ جۇمىستارىن شجق «قوناەۆ كوركەيتۋ» مكك جۇرگىزدى.
«تۇرعىندار اراسىندا سالاۋاتتى ءومىر سالتىن ناسيحاتتاۋ, جاستاردىڭ بوس ۋاقىتىن ءتيىمدى وتكىزۋىنە جاعداي جاساۋ – باستى ماقساتىمىز. جاعاجاي سپورت الاڭىنىڭ ءدال جانىندا كروسسفيت الاڭى بار. قازىردىڭ وزىندە بۇل اۋماق كۇندەلىكتى تاڭعى جانە كەشكى مەزگىلدە قالا تۇرعىندارىنىڭ ەڭ سۇيىكتى ورنىنا اينالدى. الداعى ۋاقىتتا دا قوعامدىق ورىنداردى اباتتاندىرۋ جالعاسادى», – دەدى تۇكش ءبولىمىنىڭ باسشىسى تيمۋر اقمىرزاەۆ.
ال قالا تۇرعىنى ايدوس ەسكەلدىنوۆ جاڭا نىسانداردىڭ پايدا بولىپ جاتقانىنا ءوز ويىن ءبىلدىردى.
«كەشكى ۋاقىتتا دوستارىمىزبەن كەلىپ, فۋتبول وينايمىز. الاڭ وتە جاقسى سالىنعان. كوڭىلىمىزدەن شىقتى. سپورت – دەنساۋلىق كەپىلى بولعاندىقتان, حالىققا پايدالى نىساندار سالىنىپ جاتقانىنا قۋانىشتىمىز», – دەدى ول.
سونداي-اق, قالا تۇرعىندارى مەن قوناقتاردىڭ جايلىلىعى ءۇشىن قوناەۆتا جاڭا سكۆەر سالىنۋدا.
الماتى وبلىسى.
