سالتاناتتى ءراسىم 2025 جىلى ەلىمىزدە جاريالانعان جۇمىسشى ماماندىقتار جىلى اياسىندا ءوتتى.
«وتان» وردەنىمەن وتاندىق ادەبيەتتى دامىتۋعا, رۋحاني قۇندىلىقتاردى ساقتاۋعا جانە قازاق مادەنيەتىن ىلگەرىلەتۋگە قوسقان زور ۇلەسى ءۇشىن بەلگىلى قازاقستاندىق جازۋشى تىنىمباي نۇرماعانبەتوۆ ماراپاتتالدى.
تىنىمباي نۇرماعانبەتوۆتى قۇتتىقتاي وتىرىپ, الماتى اكىمى جازۋشىعا كوپ جىلعى ادەبي قىزمەتى, ۇلتتىق يدەياعا ادالدىعى جانە قازاقستاننىڭ رۋحاني مۇراسىن دامىتۋعا قوسقان ەلەۋلى ۇلەسى ءۇشىن العىس ءبىلدىردى.
جارتى عاسىردان استام شىعارماشىلىق قىزمەت بارىسىندا جازۋشى وننان استام جيناق شىعاردى, ونىڭ ىشىندە «قاۋىن ءيىسى», «قوش بول, اتا», «قارلىعاشتىڭ ۇياسى», «تۇنىق سۋ», «ايقاي» جانە باسقالارى بار. جازۋشى شىعارمالارى ءىرى وداقتاس باسپالاردا جارىق كوردى, ورىس جانە باسقا دا بىرقاتار تىلگە اۋدارىلدى. ال ونىڭ پەسالارى جەلىسىمەن قويىلىمدار قازاق تەاترلارىنىڭ ساحنالارىندا قويىلىپ كەلەدى.
سونىمەن قاتار مەملەكەت باسشىسىنىڭ تاپسىرماسى بويىنشا دونەسباي احاناەۆ ماراپاتتالدى. ول - «الماتى سۋ» مكك تۇركسىب اۋداندىق پايدالانۋ ۋچاسكەسىنىڭ سلەسارى.
كاسىپورىندا جۇمىس ىستەگەن كەزدەن بەرى دونەسباي وتەپباي ۇلى ءوزىن كاسىبي بىلىكتى, ەڭبەكقور, جاۋاپتى جانە ىسكەر قىزمەتكەر رەتىندە كورسەتتى. اپاتتى ۋچاسكەلەرگە جەدەل بارىپ, شۇعىل جانە ۇتىمدى شەشىمدەردى دەرەۋ قابىلداۋ قابىلەتىمەن ەرەكشەلەنەدى.
«الماتى سۋ» مكك جەتىسۋ اۋداندىق پايدالانۋ ۋچاسكەسىنىڭ سلەسارى ليتۆينوۆ دميتري الەكساندروۆيچ تە «ەرەن ەڭبەگى ءۇشىن» مەدالىمەن ماراپاتتالدى. دميتري الەكساندروۆيچ ءوزىنىڭ كۇندەلىكتى قاجىرلى ەڭبەگى ارقىلى الماتى قالاسىنىڭ سۋ قۇبىرى جەلىلەرىنىڭ ۇزدىكسىز جۇمىس ىستەۋىن قامتاماسىز ەتۋگە ەلەۋلى ۇلەس قوسىپ كەلەدى. سونىڭ ارقاسىندا شاھاردىڭ ون مىڭنان اساتىن تۇرعىنى ساپالى جانە تۇراقتى اۋىز سۋمەن قامتاماسىز ەتىلۋدە.
مەملەكەتتىك ماراپاتتار كوپ جىلعى ادال ەڭبەك, جوعارى كاسىبيلىك, قالا شارۋاشىلىعىنىڭ دامۋىنا قوسقان ەلەۋلى ۇلەس ءۇشىن تابىستالدى.
