26 ماۋسىم كۇنى «حالىقارالىق ناشاقورلىققا جانە ەسىرتكىنىڭ زاڭسىز اينالىمىنا قارسى كۇرەس» كۇنىنە وراي الماتى قالاسى ناۋرىزباي اۋدانى اۋماعىنداعى №157 جالپى ءبىلىم بەرەتىن مەكتەپتە ناۋرىزباي اۋدانىنىڭ دەمالىس ورتالىقتارى اراسىندا «بەس قارۋ» اتتى اسكەري-پاتريوتتىق سايىس ءوتتى. سايىسقا 14–16 جاس ارالىعىنداعى بالالاردان قۇرالعان كوماندالار قاتىستى.
ءىس-شارانىڭ نەگىزگى ماقساتى – جاس ۇرپاقتىڭ بويىندا وتانسۇيگىشتىك قاسيەتتى قالىپتاستىرۋ, اسكەري-قولدانبالى داعدىلاردى دامىتۋ جانە شۇعىل جاعدايدا ارەكەت ەتۋ قابىلەتتەرىن شىڭداۋ بولدى.
سايىس بارىسىندا قاتىسۋشىلار كەلەسى باعىتتار بويىنشا باق سىنادى:
- اۆتومات (ماكەت) شاشىپ-جيناۋ;
- اۆتومات وقتارىن جيناۋ;
- العاشقى مەديتسينالىق كومەك كورسەتۋ;
- گازتۇمىلدىرىق كيىپ جۇگىرۋ;
- ءتۇرلى كەدەرگىلەر جولاعىنان ءوتۋ;
- تۋرنيككە تارتىلۋ.
سايىس ناتيجەسىندە:
1-ورىندى – «بىزجىبەك» كومانداسى;
2-ورىندى – «اسار ارلان» كومانداسى;
3-ورىندى – «بايتەرەك» كومانداسى يەلەندى.
جەڭىمپازدار مەن جۇلدەگەرلەر گراموتا, مەدال, كۋبوك, ستاتۋەتكا جانە باعالى سىيلىقتارمەن ماراپاتتالدى.
بۇل ءىس-شارا جاسوسپىرىمدەردىڭ فيزيكالىق دايىندىعىن ارتتىرىپ قانا قويماي, ولاردى ۇيىمشىلدىققا, تارتىپكە, باتىلدىق پەن جاۋاپكەرشىلىككە باۋلىدى. وسىنداي اسكەري-پاتريوتتىق سايىستار جاس ۇرپاقتىڭ بويىندا ەلگە دەگەن سۇيىسپەنشىلىك پەن ازاماتتىق بورىش سەزىمىن قالىپتاستىرۋدا ماڭىزدى ءرول اتقارادى.
