2020 جىلعى 28 اقپانداعى №51 بۇيرىقپەن بەكىتىلگەن «قازاقستان رەسپۋبليكاسىنىڭ سپورتتىق ادەبى» قۇجاتى ەندى 2025 جىلى كۇشىنە ەنگەن «دەنە شىنىقتىرۋ جانە سپورت تۋرالى» زاڭنىڭ جاڭا رەداكتسياسىمەن ۇيلەستىرىلدى. جاڭارتىلعان ءتارتىپ سپورت سالاسىنداعى قۇقىقتىق رەتتەۋلەردى جاڭا زاڭ تالاپتارىنا بەيىمدەۋ ماقساتىندا جۇزەگە اسىرىلىپ وتىر.
قۇجاتتىڭ نەگىزگى ماقساتى – بۇرىنعىشا, ياعني سپورتتاعى مىنەز-ق ۇلىق مادەنيەتىن قالىپتاستىرۋ. بۇل باعىتتا سپورتشىلاردىڭ, جاتتىقتىرۋشىلاردىڭ, تورەشىلەردىڭ جانە سالا ماماندارىنىڭ ادەپتىلىك نورمالارىن انىقتايتىن قۇجات قۇقىقتىق جانە مورالدىق قاعيداتتاردى باسشىلىققا الادى.
اتالعان وزگەرىستەر نەگىزىنەن تەحنيكالىق سيپاتتا جانە قۇجاتتىڭ مازمۇندىق وزەگىنە اسەر ەتپەيدى. تەك تەرميندەر ناقتىلانىپ, تۇجىرىمدامالىق ءتىل زاماناۋي تالاپتارعا ساي جاڭارتىلعان. ماسەلەن:
-
بۇرىنعى «ۇلتتىق قۇراما كوماندا» اتاۋىنىڭ ورنىنا «قازاقستاننىڭ سپورت ءتۇرى بويىنشا ۇلتتىق قۇراما كومانداسى» دەگەن ناقتى ءارى تولىق انىقتاما ەنگىزىلدى;
-
«سپورت تورەشىسى» ۇعىمى بەكىتىلىپ, ونىڭ وكىلەتتىگى مەن كاسىبي تالاپتارى ايقىندالدى;
-
زاماناۋي اقپارات قۇرالدارى تالابىنا ساي «بۇقارالىق اقپارات قۇرالدارى» ۇعىمى ورنىنا «ماسس-مەديا» تەرمينى قولدانىلاتىن بولدى.
ايتا كەتۋ كەرەك, 2020 جىلعى العاشقى رەداكتسياسىندا بەكىتىلگەن جانە وتاندىق سپورت سالاسىنداعى «ار-نامىس كودەكسى» سانالىپ كەتكەن نەگىزگى ەرەجەلەر سول كۇيى ساقتالعان. ولار:
- ادال ويىن قاعيداتتارىن ۇستانۋ;
- قارسىلاستارعا, تورەشىلەرگە, جانكۇيەرلەر مەن باق وكىلدەرىنە قۇرمەتپەن قاراۋ;
- قوعامدىق تارتىپكە قايشى, قورلايتىن ارەكەتتەرگە جول بەرمەۋ;
- سپورتتىق ورتادا جوعارى مورالدىق ۇلگى كورسەتۋ.
وسىلايشا, سپورت سالاسىنداعى ەتيكالىق ۇستانىمدار ۋاقىت تالابىنا ساي جاڭارتىلىپ, زاڭدىق نەگىزبەن بەكىتىلگەنىمەن, وزەكتىلىگىن جويماي, سپورتشىلار مەن ماماندار ءۇشىن باسشىلىققا الار قۇندىلىقتار جيىنتىعى بولىپ قالا بەرەدى.
