اتالعان فورۋمعا «ەلەكتروندىق قارجى ورتالىعى» اق وكىلدەرى دە قاتىسىپ, مەملەكەتتىك ساتىپ الۋ سالاسىنداعى تسيفرلاندىرۋدىڭ وتاندىق تاجىريبەسىن ورتاعا سالدى.
«ەاەو-داعى مەملەكەتتىك ساتىپ الۋلار: شىنايىلىق, مۇمكىندىكتەر جانە پەرسپەكتيۆالار» سەسسياسىندا «ەلەكتروندىق قارجى ورتالىعى» اق باسقارما توراعاسىنىڭ ورىنباسارى دەنيس سۆيرسكي ارنايى بايانداما جاسادى.
«ەلىمىزدەگى ەلەكتروندى دۇكەندەر ارقىلى ساتىپ الۋ – قولجەتىمدىلىكتى, اشىقتىق پەن شاعىن جانە ورتا بيزنەستى قوسا العاندا, قىزمەت ۇسىنۋشىلاردىڭ كەڭ اۋقىمىن تارتۋدى اڭعارتادى», دەدى د.سۆيرسكي.
فورۋم كەزىندە كومپانيا وكىلدەرى ادال وندىرۋشىلەردى قورعاۋ مەن بيۋدجەت شىعىستارىن وڭتايلاندىرۋعا باعىتتالعان مەملەكەتتىك ساتىپالىمدى تسيفرلاندىرۋدىڭ وتاندىق ءتاسىلىن كوسەرتتى.
بۇدان بولەك د.سۆيرسكي تاۋارلاردىڭ كاتالوگى بويىنشا جۇرگىزىلىپ جاتقان جۇمىستار تۋرالى ءادىل باعا ساياساتىن قالىپتاستىرۋ مەن مەملەكەتتىك ساتىپ الۋ كەزىندە باعانىڭ كوتەرىلۋىنە جول بەرمەۋگە مۇمكىندىك بەرەتىن «باعا دەرەكقورى» تالدامالى ءمودۋلىن ەنگىزۋ تۋرالى ايتتى.
