اۋە كەڭىستىگىن دىبىستان دا جىلدام ۇشاقپەن تىلگىلەيتىن الەمدىك ارىپتەستەرىمنىڭ اراسىندا «ەڭ قيىن دا كۇردەلى تاپسىرمانى ۋاقىت ۇتتىرماي الدىمەن ورىنداۋعا مىندەتتىمىز, «مۇمكىن ەمەسىنە» ءسال كەيىنىرەك ورالارمىز» دەيتىن وتە وجەت شەشىم بولار ەدى. ۇلكەن شىعارماشىلىق يەسى سلامبەك تاۋەكەلمەن ءوزارا ىسكەرلىك ساتتەر ساعاتىندا ونىڭ مىنەز-قۇلقىنان وسىناۋ اسكەري ۇشقىشتارعا عانا ءتان ەرەكشە قاسيەتتى سان رەت بايقاپ, ءتانتى بولعان ەدىم.
قوعام دامۋىنىڭ جاۋاپتى كەزەڭىندە, وتپەلى ۇدەرىسى شاعىندا ادال ادامنىڭ ەڭبەگى ءاردايىم جوعارى باعالانادى. سول سەبەپتى دە, قازاق كينوسىنىڭ شەجىرە-تاريحىنا, ونەرى مەن مادەنيەتىنە ايرىقشا ۇلەس قوسقان تاۋ تۇلعالى ازاماتتىڭ, شىنايى كينو شەبەرىنىڭ ەڭبەگى ۇرپاققا ونەگە, ۇلت رۋحانياتىنا باعا جەتپەس مۇرا بولىپ قالاتىنىنا كامىلمىن.
مىنا قىم-قۋىت تىرشىلىكتە كەش تانىسقانىمىزبەن كوپ تۇسىنىسكەن جانى جايساڭ ايرىقشا پاراسات يەسىنىڭ – ايگىلى ونەر قايراتكەرىنىڭ ويلى ءجۇزى, كەسەك تۇلعاسى جۇرەگىمدە وشپەستەي ماڭگى ساقتالادى.
اللا الدىنان جارىلقاسىن, ءجۇزى پەيىشتە شالقىسىن!
توقتار اۋباكىروۆ,
تۇڭعىش قازاق عارىشكەرى, قازاقستاننىڭ حالىق قاھارمانى,
كەڭەس وداعىنىڭ باتىرى, كسرو-نىڭ ەڭبەگى سىڭگەن سىناقشى-ۇشقىشى,
اۆياتسيا گەنەرال-مايورى
