ولجاس بەكتەنوۆ مەملەكەت باسشىسى قاسىم-جومارت توقاەۆتىڭ ازاماتتىق اۆياتسيانى دامىتۋعا جانە اۋە كولىگىنىڭ جولاۋشىلاردىڭ بارلىق ساناتىنا قولجەتىمدى بولۋىنا كوپ كوڭىل بولەتىنىن اتاپ ءوتتى. جاڭا اۋەجايلار مەن اۋەايلاقتاردى سالۋ جانە جۇمىس ىستەپ تۇرعان اۋەجايلاردى جاڭعىرتۋ اسا ماڭىزدى.
ەلىمىزدە جۇرگىزىلگەن قۇرىلىمدىق جانە زاڭنامالىق رەفورمالار سالانى بريتاندىق مودەل بويىنشا دامىتۋ ءۇشىن جاعداي جاسادى. قازاقستاننىڭ اۆياتسيا سالاسىنىڭ ICAO ستاندارتتارىنا سايكەستىك دەڭگەيى 2009 جىلعى 47%-دان بيىل 82%-عا دەيىن ءوستى, بۇل كورسەتكىش پولشا, چەحيا, دانيا سياقتى جانە تاعى دا باسقا ەۋروپا مەملەكەتتەرىنىڭ جاعدايىمەن سالىستىرىلا جاسالدى.
ء«بىز حالىقارالىق ازاماتتىق اۆياتسيا ۇيىمىمەن ءوزارا ءىس-قيمىلعا تەرەڭ ءمان بەرەمىز جانە ەكىجاقتى ىنتىماقتاستىعىمىزدى اۆياتسيا سالاسىن دامىتۋدى قامتاماسىز ەتۋدەگى ستراتەگيالىق باسىمدىق رەتىندە قاراستىرامىز», دەپ اتاپ ءوتتى و.بەكتەنوۆ.
ءوز كەزەگىندە حالىقارالىق ازاماتتىق اۆياتسيا ۇيىمى كەڭەسىنىڭ پرەزيدەنتى سالۆاتورە شاككيتانو قازاقستاندا ازاماتتىق اۆياتسيانى دامىتۋ بويىنشا جۇرگىزىلگەن جۇمىستارعا وڭ باعا بەرىپ, ەلىمىزبەن ىنتىماقتاستىقتى ودان ءارى نىعايتۋعا مۇددەلى ەكەنىن ءبىلدىردى.
«قازاقستاندا كەيىنگى بىرنەشە جىلدا اۆياتسيا سەكتورىندا ايتارلىقتاي ىلگەرىلەۋ بايقالادى. جۇيە قالىپتى جۇمىس ىستەيدى, ەلدىڭ كورسەتكىشتەرى ورتاشا جاھاندىق كورسەتكىشتەن جوعارى. ءبىز ەلدىڭ اۆياتسيا سالاسىن ودان ءارى دامىتۋعا دايىنبىز. ICAO باسىمدىقتارىنىڭ ءبىرى – تۇراقتى دامۋ ماقساتتارى كونتەكستىندە كولىكتى دامىتۋدى قولداۋ. شىعارىندىلاردىڭ نولدىك دەڭگەيىنە جەتۋ ءۇشىن ءبىز تۇراقتى «جاسىل» وتىندى كوبىرەك پايدالانۋىمىز كەرەك. وسى باعىتتا بىرلەسىپ جۇمىس ىستەۋگە دايىنبىز», دەپ اتاپ ءوتتى س.شاككيتانو.
كەزدەسۋ قورىتىندىسى بويىنشا تاراپتار سەرىكتەستىك بايلانىستاردى جان-جاقتى دامىتۋ جانە تەرەڭدەتۋ نيەتتەرىن راستادى.
