اتالعان جوبا اياسىندا اقتوبە وبلىسىندا «تسيفرلىق تەحنولوگيالاردى پايدالانا وتىرىپ شاعىن جيناقتى اۋىل مەكتەپتەرىنىڭ الەۋەتىن دامىتۋ», الماتى وبلىسىندا «جاراتىلىستانۋ-ماتەماتيكالىق باعىتتاعى پاندەر بويىنشا ءبىلىم بەرۋ ساپاسىن ارتتىرۋ», ماڭعىستاۋ وبلىسىندا «وتپان» تىرەك مەكتەپتەرىنىڭ جەلىسىن دامىتۋ», ۇلىتاۋ وبلىسىندا «Ustaz Ulytau» سياقتى وڭىرلىك باستامالار جۇزەگە استى.
دالىرەك ايتقاندا, 2023 جىلى اقتوبە وبلىسىندا 12 تىرەك مەكتەپ پەن 134 شاعىن جيناقتى مەكتەپ, بىلتىر اقمولا, قوستاناي, پاۆلودار, باتىس قازاقستان جانە سولتۇستىك قازاقستان وبلىستارىندا تاعى 10 تىرەك جانە 30 شاعىن جيناقتى مەكتەپ جوباعا قاتىستى.
جوبانى ىسكە اسىرۋدىڭ ناتيجەسىندە مەكتەپتەردىڭ ماتەريالدىق-تەحنيكالىق بازاسى جاڭارتىلىپ, زاماناۋي پاندىك جانە تسيفرلىق كابينەتتەرمەن جابدىقتالدى. سونداي-اق جىلدامدىعى جوعارى ينتەرنەتپەن قامتاماسىز ەتۋ شەشىمىن تاپتى.
جوبانىڭ ەڭ ماڭىزدىسى – ونلاين وقىتۋ. وقۋشى مەن مۇعالىم سانى از اۋىل مەكتەپتەرىندە ماتەماتيكا, فيزيكا, حيميا, بيولوگيا جانە اعىلشىن ءتىلى پاندەرىنەن ونلاين ساباقتار وتكىزىلەدى.
«كەيبىر اۋىل مەكتەپتەرىندە ءبىر مۇعالىم بىرنەشە پاننەن ساباق بەرىپ ءجۇر. جاڭا جوبانىڭ ارقاسىندا تىرەك مەكتەپتەرىنىڭ ۇستازدارى شاعىن جيناقتى مەكتەپتەگى وقۋشىلاردى ونلاين وقىتادى. ياعني ءار پاننەن ءوز ءىسىنىڭ بىلىكتى مامانى ءدارىس بەرەدى. بۇل بالالاردىڭ ءبىلىم ساپاسىن جاقسارتىپ قانا قويماي, اۋىل مۇعالىمدەرىنىڭ دە كاسىبي بىلىكتىلىگىن ارتتىرۋعا مۇمكىندىك بەرەدى», دەدى ى.التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى نازيپا ايۋباەۆا.
سونىمەن قاتار مۇعالىمدەرگە تسيفرلىق ساۋاتتىلىق كۋرستارى وقىتىلىپ, تەحنولوگيالاردى قولدانۋ مەن وقۋ باعدارلامالارىن اۋىل مەكتەپتەرىنە بەيىمدەۋ بويىنشا ترەنينگتەر وتكىزىلىپ, ادىستەمەلىك قولداۋ كورسەتىلىپ وتىر.
بۇگىنگە دەيىن وسى باعىتتا 10-نان استام رەسپۋبليكالىق ءىس-شارا ۇيىمداستىرىلدى. وسىنداي جۇمىستار الداعى ۋاقىتتا دا جالعاسادى.
ازات ەسەن
