جەرگىلىكتى باسىلىمنىڭ جازۋىنشا, قالانىڭ ۇستىندە الىپ تولقىنعا ۇقساس بۇلتتار پايدا بولدى. وقيعا كۋاگەرلەرى جەلىگە سۋرەتتەر مەن ۆيدەولار سالىپ ءبولىسىپ جاتىر. ءبىرى بۇل كورىنىستى ادەمى دەپ جاتسا, ەندى ءبىرى قورقىنىشتى بولعانىن جاسىرمادى.
- قالا الىپ كورپەنىڭ استىندا قالعانداي بولدى. بۇرىن-سوڭدى مۇندايدى كورگەن ەمەسپىن. اسپان تەڭىز تولقىنى سياقتى ءوز بەتىنشە قوزعالىپ جاتقانداي سەزىلدى, – دەيدى كۋاگەرلەر.
اقتاۋ اسپانىنان مۇنداي بۇلتتار ءبىرىنشى رەت كورىنىپ تۇرعان جوق. وسىنداي قۇبىلىس 2023 جىلى دا تىركەلگەن. "قازگيدرومەتتىڭ" وبلىستىق فيليالى بۇلتتاردىڭ بۋما تارىزدەس بولعانىن تۇسىندىرگەن بولاتىن.
مامانداردىڭ ايتۋىنشا, مۇنداي بۇلتتار كوبىنەسە سۋىق فرونتتاردان تارالاتىن سۋىق اۋانىڭ اسەرىنەن پايدا بولادى. بۇل سيرەك كەزدەسەتىن تابيعي قۇبىلىسقا جاتادى.
