ماماندار ەسەپتەي كەلە, اۋەجايدى تولىقتاي جاڭارتۋ جوباسىنا 16 ملرد 400 ملن تەڭگە قاجەت دەگەن شەشىمگە كەلگەن. وتكەن جىلى 4,8 ملرد تەڭگە ءبولىنىپ, قاجەتتى قۇرال-جابدىقتار ساتىپ الىنعان.
— جوندەۋ جۇمىستارى 1 ساۋىردەن باستالعان. 1 قاراشاعا دەيىن پاۆلودار قالاسى اۋەجايىنىڭ ۇشۋ-قونۋ جولاعىن كەڭەيتۋ جانە قايتا جاڭارتۋ جۇمىستارى جۇرگىزىلەدى. رەكونسترۋكتسيالاۋ جۇمىستارى جولاۋشىلار اۋە تاسىمالى قاۋىپسىزدىگىنىڭ دەڭگەيىن ارتتىرۋعا, ۇشۋعا جارامدىلىق سەرتيفيكاتىن الۋعا, سونداي-اق, اۋە ايلاعىنىڭ مۇمكىندىكتەرىن كەڭەيتۋگە باعىتتالعان. جۇمىستار اياقتالعاننان كەيىن اۋەجاي ۇلكەن اۋە كەمەلەرىن قابىلداي الادى جانە جۇك تاسىمالى كولەمىن ارتتىرا الادى. ,-دەپ حابارلادى پاۆلودار وبلىسى اكىمىنىڭ ءباسپاسوز قىزمەتىنەن.
جاقىندا وبلىستىق ءماسليحاتتىڭ كەزەكتى سەسسياسىندا ءوڭىر قازىناسىنان رەكونسترۋكتسيا جۇمىستارىنا قوسىمشا تاعى 673 ملن تەڭگە بولىنەتىنى ءمالىم بولدى. بۇعان دەيىن جاڭارتۋ جۇمىستارىنا 1 ملرد 584 ملن تەڭگە ءبولىنىپ, ونىڭ 967 ملن تەڭگەسى وبلىس بيۋدجەتىنەن الىنعان ەدى. وسىلايشا جەرگىلىكتى بيۋدجەت قازىردىڭ وزىندە جوبانى 1,6 ملر تەڭگەگە قارجىلاندىرىپ وتىر.
پاۆلودار وبلىسى
