باق مالىمەتىنشە, باسقا دا جوعالىپ كەتكەندەر تۋرالى اقپارات بار. ىزدەۋ-قۇتقارۋ جۇمىستارىنا 18 تىكۇشاق پەن شامامەن 500 قۇتقارۋشى جۇمىلدىرىلعان. 237 ادام قۇتقارىلىپ ەۆاكۋاتسيالانعان.
مەملەكەت اۋماعىندا جاۋىن-شاشىن كولەمى ودان ءارى كۇشەيىپ, كەرر وكرۋگىنەن تومەن جاتقان ايماقتاردا سۋ تاسقىنى قاۋپى تونۋدە.
كەرۆيلل قالاسىنىڭ اكىمشىلىك باسشىسى دالتون رايس سۋ تاسقىنى بىردەن, كۇتپەگەن جاعدايدا بولعانىن ايتىپ, جەرگىلىكتى بيلىك تۇرعىنداردى ۋاقىتىلى ەۆاكۋاتسيالاي الماي قالعانىن مالىمدەدى.
- ءبارى وتە جىلدام بولدى. مۇنداي جاعدايدى ءتىپتى رادار دا الدىن الا بولجاي المادى, – دەدى رايس.
- تەحاس گۋبەرناتورى گرەگ ەببوتت بۇل وقيعانى اپات دەپ اتاپ, توتەنشە جاعداي تۋرالى جارلىققا قول قويدى. بۇل قۇتقارۋشىلارعا بارلىق قاجەتتى رەسۋرستارعا قول جەتكىزۋگە مۇمكىندىك بەرەدى, – دەپ جازادى BBC پورتالى.
گۋبەرناتور جوعالعان ادامداردى ىزدەۋ ۇزدىكسىز جالعاساتىنىن ايتتى.
