رەداكتسيا القاسىنىڭ الدىندا تۇرعان باستى مىندەت – كوپتومدىقتىڭ ءماتىن ماتەريالدارىن, كارتالارى مەن يلليۋستراتسيالارىن تۇپكىلىكتى ساراپتاۋ جانە بەكىتۋ, سونداي-اق ونى بەتتەۋگە, باسپاعا دايىنداۋ.
باسقوسۋدا باسىلىمنىڭ كونە داۋىرگە ارنالعان ءبىرىنشى تومى قاراستىرىلدى.
القا مۇشەلەرى اكادەميالىق باسىلىمنىڭ ءبىرىنشى تومىنىڭ جەتەكشىسى, ءا.ح.مارعۇلان اتىنداعى ارحەولوگيا ينستيتۋتىنىڭ باس ديرەكتورى اقان وڭعار ۇلىنىڭ بايانداماسىن تىڭداپ, ۇسىنىلعان ماتەريالدىڭ تۇجىرىمداماسىن, مازمۇنى مەن قۇرىلىمىن تالقىلادى. جيىندا رەتسەنزەنتشىلەر ۇلتتىق عىلىم اكادەمياسىنىڭ اكادەميگى, تاريح عىلىمدارىنىڭ دوكتورى جاكەن تايماعامبەتوۆتىڭ, تاريح عىلىمدارىنىڭ كانديداتى, س.تورايعىروۆ ۋنيۆەرسيتەتىنە قاراستى ءا.ح.مارعۇلان اتىنداعى ارحەولوگيالىق عىلىمي-زەرتتەۋ ورتالىعىنىڭ ديرەكتورى ۆيكتور مەرتستىڭ, ش.ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ اعا عىلىمي قىزمەتكەرى نۇرسان ءالىمبايدىڭ ساراپشىلىق پىكىرلەرى تىڭدالدى. سونداي-اق رەداكتسيا القاسىنىڭ باسقا دا مۇشەلەرىنىڭ وي-پىكىرلەرى ورتاعا سالىندى.
رەداكتسيا القاسىنىڭ كەلەسى وتىرىسى تامىز ايىندا وتەدى. وندا «قازاقستان تاريحى: ەجەلگى داۋىردەن بۇگىنگە دەيىن» اتتى اكادەميالىق باسىلىمنىڭ ەكىنشى تومى تالقىلانادى.
