«تازا قازاقستان» جالپىۇلتتىق ەكولوگيالىق اكتسياسى, «جۇمىسشى ماماندىقتارى جىلى» اياسىندا, «استانا تازالىق» جشس ۇيىمداستىرۋىمەن وتكەن «تازا قازاقستان – تازا استانا» بايقاۋىندا «باسپا باسىلىمىنداعى ۇزدىك ماقالا» اتالىمى بويىنشا الەۋمەت جانە سپورت ءبولىمىنىڭ مەڭگەرۋشىسى جومارت وسپان جەڭىمپاز بولىپ تانىلدى. قالامگەر بۇل قۇرمەتكە باسپا بەتىندە ەكولوگيالىق اكتسياسى جاريالانعالى بەرى ەكولوگيالىق مادەنيەتتى, تابيعاتتى قۇرمەتتەۋدى قالىپتاستىرۋ, قورشاعان ورتانى قورعاۋدىڭ ماڭىزدىلىعىن ءتۇسىنۋ, حالىقتى ەكولوگيالىق پروبلەمالاردى شەشۋ جونىندە جازىلعان ماتەريالدار توپتاماسى ءۇشىن يە بولدى.
سونداي-اق قالالىق كوممۋنيكاتسيالار قىزمەتى قالا اكىمدىگىنىڭ قولداۋىمەن ۇيىمداستىرعان بايقاۋ جەڭىمپازدارى ماراپاتتالدى. ەلوردانىڭ الەۋمەتتىك-ەكونوميكالىق دامۋىن, قوعامدىق ءومىرىن كەڭىنەن ناسيحاتتايتىن جۋرناليستەر مەن مەدياسالا ماماندارىن قولداۋعا باعىتتالعان بايقاۋ جىل سايىن وتەدى. بايقاۋعا گازەت, تەلەراديو, ينتەرنەت-پورتال تىلشىلەرىمەن قاتار, الەۋمەتتىك جەلى بەلسەندىلەرى دە قاتىستى. بايقاۋدا 7 اتالىم بويىنشا ۇزدىكتەر انىقتالدى. الەۋمەت جانە سپورت ءبولىمىنىڭ ءتىلشىسى قۋانىش نۇردانبەك ۇلى «ۇزدىك شولۋشى» اتالىمىندا 1-ورىن يەلەندى.
ارىپتەستەرىمىزدى تولايىم تابىستارىمەن قۇتتىقتاي وتىرىپ, الداعى ۋاقىتتا دا ءداستۇر مەن سەرتتەن تايماي, باس باسىلىمنىڭ جورالى جولىن جالعاستىرىپ, جەمىستى ەڭبەك ەتە بەرىڭىزدەر دەپ تىلەك ەتەمىز.
