كەلىسىمشارتتىڭ 3-تارماعىندا تاراپتاردىڭ قۇقىقتارى مەن مىندەتتەرى انىق جازىلعان. ونىڭ ىشىندە كۇتىپ ۇستاۋ بويىنشا جالعا الۋشىنىڭ مىندەتتەرى ناقتى كورسەتىلگەن.
تارقاتار بولسا, جاعاجايدى اباتتاندىرۋ مەن سانيتارلىق قاۋىپسىزدىكتى قامتاماسىز ەتۋ, كەلىسىمشارتقا سايكەس شارۋاشىلىق قىزمەتىن جۇرگىزۋ, كۇن سايىن كيىم اۋىستىراتىن ورىندار, دارەتحانالار, جاسىل ايماقتار اۋماعىن تازالاۋ, جالعا الىنعان اۋماقتى جارىقتاندىرۋعا مىندەتتى.
سونداي-اق, قوقىس جاشىكتەرىن سۋ جيەگىنەن كەمىندە 20 مەتر قاشىقتىقتا, ءار 60 شارشى مەتر اۋماققا ءبىر قوقىس جاشىگى ەسەبىمەن ورناتۋ, قاۋىپسىزدىك تالاپتارىن ساقتاۋ (ونىڭ ىشىندە – اقپاراتتىق باننەرلەر, جالاۋشالار جانە ت.ب. ورناتۋ) جانە كەمىندە 2 سانيتايزەر ورناتىپ, تاپشانداردى, ورىندىقتاردى, جابدىقتاردى كۇنىنە ەكى رەت دەزينفەكتسيالاۋ جۇمىستارىن جۇرگىزۋ كەرەك.
تۇكش ءبولىمىنىڭ مالىمەتىنشە, بۇگىنگى كۇنى جاعاجايدا سەنىمگەر باسقارۋشى كومپانيا تاراپىنان 45 قوقىس جاشىگى مەن 10 كونتەينەر ورنالاستىرىلعان. تازالىق جۇمىستارىنا كۇندەلىكتى 30 ادام, 2 ارنايى تەحنيكا جۇمىلدىرىلۋدا. اۋماقتا 3 اجەتحانا ورنالاسقان. سونداي-اق قاۋىپسىزدىكتى ساقتاۋ ماقساتىندا بەينەباقىلاۋ كامەرالارى قويىلعان, 10-نان استام قۇتقارۋشى قىزمەت ەتەدى. ال مەديتسينا قىزمەتكەرلەرىنىڭ سانى – 2-ەۋ. تجب مەن پوليتسيا باسقارماسىنىڭ ماماندارى تۇراقتى تۇردە پاترۋلدەۋ جۇرگىزۋدە.
ال №5 جاعاجايدا 6 اجەتحانا (28 بولمە), 12 ورىندىق 5 جۋىناتىن جەر, 6 كيىم اۋىستىراتىن ورىن (12 بولمە) بار. اۋماقتا 30 دانا قوقىس جاشىگى مەن 40 بوشكە, 25 دانا قوقىس كونتەينەرلەرى ورنالاستىرىلعان. بۇل جاعاجايدا جاساندى ينتەللەكتىمەن جۇمىس ىستەيتىن بەينەباقىلاۋ كامەرالارى قويىلعان.
الماتى وبلىسى
