فوتو: سۋ رەسۋرستارى جانە يرريگاتسيا مينيسترلىگى
سۋ رەسۋرستارى جانە يرريگاتسيا ۆيتسە-ءمينيسترى اسلان ابدرايموۆتىڭ ايتۋىنشا بولجامداردىڭ دالدىگىن ارتتىرۋ جانە Tasqyn جۇيەسىن قامتۋدى كەڭەيتۋ ءۇشىن ۋاكىلەتتى مەملەكەتتىك ورگاندار ونى ودان ءارى دامىتۋ ءۇشىن ۇسىنىستار ازىرلەدى.
«تسيفرلىق جەر بەدەرىنىڭ انىقتىعىن ارتتىرۋ, گيدرولوگيالىق مودەلدى جەتىلدىرۋ جانە بەيىمدەۋ, جۇيەنى جاڭعىرتۋعا باعىتتالعان ءىس-شارالار ەنگىزىلگەن جول كارتاسىنىڭ جوباسى ازىرلەندى. Tasqyn اقپاراتتىق جۇيەسىن جەتىلدىرۋ جۇمىسى تۇراقتى نەگىزدە جۇرگىزىلىپ جاتىر جانە الداعى ۋاقىتتا دا جالعاسىن تابادى», دەدى ا.ابدرايموۆ.
سالا مينيسترلىگىنىڭ مالىمەتىنشە Tasqyn جۇيەسى تاسقىن سۋدى مودەلدەۋ كەزىندە وزەندەردەگى بولجامدى سۋ شىعىنى مەن دەڭگەيىن, قويمالاردان سۋ جىبەرۋ كولەمىن, جەر بەدەرىنىڭ تسيفرلىق مودەلدەرىن جانە باتيمەتريالىق ءتۇسىرىلىم دەرەكتەرىن پايدالانادى. سۋ رەسۋرستارى جانە يرريگاتسيا مينيسترلىگى سۋ تاسقىنى كەزىندە كۇن سايىن اقپاراتتىق جۇيەگە دەرەكتەردى ەنگىزۋ جانە جاڭارتۋ ارقىلى سۋ قويمالارىنىڭ جاي-كۇيىنە مونيتورينگ جۇرگىزدى. سونداي-اق ۆەدومستۆو شەكارا ماڭىنداعى ەلدەرمەن ءوزارا ءىس-قيمىل جاساپ, تجم مەن ونىڭ اۋماقتىق بولىمشەلەرىن توتەنشە جاعدايلاردىڭ تۋىنداۋ قاۋپى تۋرالى ۋاقتىلى حاباردار ەتىپ وتىردى.
