ينتەراكتيۆتى كارتا پايدالانۋشىعا قاجەتتى ءوڭىردى تەز تاڭداۋعا جانە سول ايماقتاعى كوللەدجدەردىڭ, ستۋدەنتتەر مەن وقىتۋشىلاردىڭ سانىن, جاتاقحانالار, سپورت زالدارى جانە وزگە دە نىساندار, دايارلىق باعىتتارى مەن ماماندىقتار ءتىزىمى تۋرالى اقپارات الۋعا مۇمكىندىك بەرەدى.
پلاتفورما وبلىستار, اۋداندار, ناقتى كوللەدجدەر جانە ءبىلىم بەرۋ باعدارلامالارى بويىنشا يكەمدى جۇيەمەن جابدىقتالعان.
«بۇگىندە مۇنداي اقپارات تەك جەكەلەگەن پلاتفورمالاردا نەمەسە جەرگىلىكتى اتقارۋشى ورگانداردىڭ سايتتارىندا عانا جيناقتالادى. جاڭا كارتا ەل بويىنشا بارلىق دەرەكتەردى بىرىكتىرىپ, ۋاكىلەتتى ورگاندار ءۇشىن دە, ستۋدەنتتەر مەن ولاردىڭ اتا-انالارى ءۇشىن دە پايدالى قۇرالعا اينالادى», دەدى قر وقۋ-اعارتۋ مينيسترلىگى تەحنيكالىق جانە كاسىپتىك ءبىلىم بەرۋ دەپارتامەنتىنىڭ ديرەكتورى اسەت مۇحانبەتوۆ.
پيلوتتىق جۇيەنى ىسكە قوسۋ 2025 جىلدىڭ شىلدە ايىنا جوسپارلانعان.
جۇيە «Talap» كەاق رەسمي سايتىندا جانە map.talap.edu.kz/map مەكەنجايى بويىنشا قولجەتىمدى.
