9–10 ماۋسىم كۇندەرى قازاقستاننىڭ سپورت شەبەرى, سامبو كۇرەسىنەن ازيا چەمپيونى, قازاقستاننىڭ تۇيە بالۋانى ەربولات دۇيسەنباەۆتى ەسكە الۋعا ارنالعان قازاق كۇرەسىنەن 2012–2013 جىلى تۋعان كىشى جاسوسپىرىمدەر اراسىندا اقسۋات اۋدانىنىڭ اشىق ءتۋرنيرى بولىپ ءوتتى.
تۋرنيردە سەمەي قالاسى, تارباعاتاي اۋدانى, ەكپىن, قۇمكول, ويشىلىك, تانا مىرزا, قارعىبا, كىندىكتى جانە اقسۋات اۋىلىنان 60-قا تارتا سپورتشى ءوزارا كۇش سىناستى.
جەڭىمپازدار مەن جۇلدەگەرلەر ارنايى دايىندالعان ديپلومدار, مەدال جانە اقشالاي سىيلىقتارمەن ماراپاتتالدى.
تۋرنيردە «جەڭىسكە دەگەن قۇشتارلىعى ءۇشىن» نوميناتسياسىمەن سەرىك شىڭعىس جانە قايراتبەك باقداۋلەت, «ەڭ جاس بالۋان» — سەرجان دياس, «ۇزدىك ءادىس جاساعانى ءۇشىن» نوميناتسياسىمەن جارقىنعازى نۇرعازى ارنايى مەدالمەن جانە اقشالاي سىيلىقتارمەن ماراپاتتالدى.
اباي وبلىسى
