فوتو: اشىق دەرەككوز
ەلدىڭ وڭتۇستىك وڭىرلەرىندە وتە قاتتى ىستىق تەمپەراتۋرا كۇتىلەدى. كەي جەرلەردە شاڭدى داۋىلدار بولۋى مۇمكىن. بۇل ايماقتاردا توتەنشە ءورت قاۋپى ساقتالادى.
باتىس قازاقستان وبلىسىندا شىلدە ايىنىڭ باسىندا باياۋ جىلجيتىن تسيكلوننىڭ اسەرىنەن كۇندىزگى اۋا تەمپەراتۋراسى +18…+26°C شاماسىندا بولادى. العاشقى ونكۇندىكتىڭ سوڭىنا قاراي +28…+33°C دەيىن ىسيدى.
اتىراۋ جانە ماڭعىستاۋ وبلىستارىندا بىرتىندەپ اۋا تەمپەراتۋراسى كوتەرىلەدى. كۇندىز +25…+33°C-تان +30…+38°C-قا دەيىن ىسۋ كۇتىلەدى.
سولتۇستىك جانە ورتالىق ايماقتاردا ايدىڭ باسىندا ىستىق كۇندەر بولسا, كەيىنىرەك اۋا رايى سالقىندايدى. كۇندىزگى تەمپەراتۋرا +25…+35°C شاماسىندا بولىپ, كەيىن +18…+23°C دەيىن تومەندەۋى ىقتيمال.
شىعىس وڭىرلەردە شىلدەنىڭ العاشقى ونكۇندىگىندە اۋا تەمپەراتۋراسى +30…+38°C-قا دەيىن كوتەرىلەدى.
وڭتۇستىك پەن وڭتۇستىك-شىعىستا 1–5 شىلدە ارالىعىندا وڭتۇستىك جانە وڭتۇستىك-شىعىس وڭىرلەردە تۇنگى تەمپەراتۋرا +15…+22°C-تان +25…+30°C-قا دەيىن جوعارىلايدى. كۇندىز اۋا +30…+39°C-قا دەيىن, كەي كۇندەرى +40…+46°C-قا دەيىن ىسيدى. تەمپەراتۋرا تەك العاشقى ونكۇندىكتىڭ سوڭىندا تومەندەۋى مۇمكىن.
شىلدەنىڭ ەكىنشى جانە ءۇشىنشى ونكۇندىگىندە ەلىمىزدىڭ باتىس, وڭتۇستىك, وڭتۇستىك-شىعىس جانە ورتالىق وڭىرلەرىندە ەڭ ىستىق كۇندەرى اۋا تەمپەراتۋراسى +33…+42°C-قا, ال وڭتۇستىكتىڭ كەيبىر بولىكتەرىندە +46°C-قا دەيىن كوتەرىلەدى. سالقىنداعان كۇندەرى اۋا +23…+28°C شاماسىندا بولادى.
سولتۇستىك جانە شىعىس ايماقتاردا تۇنگى تەمپەراتۋرا +15…+23°C-تان +7…+12°C-قا دەيىن تومەندەيدى. كۇندىز +32…+39°C دەيىن ىسيدى, كەي كەزدەرى +18…+23°C دەيىن سالقىندايدى.
