پاۆلودار وبلىسى ساۋدا جانە تۇتىنۋشىلار قۇقىقتارىن قورعاۋ دەپارتامەنتىنە بيىلعى العاشقى 5 ايدا تۇتىنۋشىلار تاراپىنان 727 ءوتىنىش كەلىپ تۇسكەن. بۇل وتكەن جىلدىڭ سايكەس كەزەڭىمەن سالىستىرعاندا 10 پايىزعا كوپ. تۇسكەن ارىز-شاعىمداردىڭ باسىم بولىگى بولشەك ساۋدا, تۇرمىستىق قىزمەت جانە ەلەكتروندى ساۋدا سالالارىنا قاتىستى. ماماندار تۇتىنۋشىلارعا 66 ميلليون تەڭگەدەن استام قارجىنى قايتارۋعا كومەكتەسكەن.
- الەۋمەتتىك ماڭىزى بار ازىق-ت ۇلىك تاۋارلارىنا جۇرگىزىلگەن تەكسەرۋلەردە بىرقاتار ءونىم باعاسىنىڭ شەكتەن تىس قىمباتقا ساتىلعانى بەلگىلى بولدى. مىسالى, قىرىققاباتتىڭ كيلوگرامى 100 تەڭگەدەن ساتىپ الىنىپ, 450 تەڭگەگە ساتىلعان. ءسابىز باعاسى 275 پايىزعا, كارتوپ 106 پايىزعا, پياز 86 پايىزعا, ال قاراقۇمىق پەن تاۋىق ەتى تيىسىنشە 52 جانە 27 پايىزعا قىمباتقا ساتىلعان,-دەيدى دەپارتامەنت باسشىسىنىڭ ورىنباسارى نۇرسۇلۋ اۋباكىروۆا.
جەكە جانە زاڭدى تۇلعالاردىڭ وتىنىشتەرى نەگىزىندە كاسىپكەرلىك نىساندارىنا 144 تەكسەرۋ جۇرگىزىلگەن. ناتيجەسىندە 64 كاسىپكەرلىك سۋبەكتىسى اكىمشىلىك جاۋاپكەرشىلىككە تارتىلىپ, زاڭ بۇزۋشىلىقتاردى جويۋ جونىندە 88 نۇسقاما بەرىلگەن.
