ءىس-شاراعا ۋنيۆەرسيتەتتىڭ باسقارما توراعاسى-رەكتورى بولات تىلەپ, ءبىلىم بەرۋ باعدارلامالارىن تالداۋ دەپارتامەنتىنىڭ ديرەكتورى نۇرجامال وشانوۆا, فاكۋلتەت دەكانى شەريپيدين حامراەۆ, كافەدرا مەڭگەرۋشىلەرى, پروفەسسورلىق-وقىتۋشىلار قۇرامى, تۇلەكتەر, ولاردىڭ اتا-انالارى قاتىستى.
سالتاناتتى ءىس-شارا بارىسىندا عىلىم جانە جوعارى ءبىلىم ءمينيسترى ساياسات نۇربەكتىڭ تۇلەكتەرگە ارناعان بەينەقۇتتىقتاۋى كورسەتىلىپ, جاس ماماندارعا اقجارما تىلەكتەر ايتىلدى.
راسىمدە ۋنيۆەرسيتەت رەكتورى بولات تىلەپ قۇتتىقتاۋ ءسوز سويلەپ, ءبىتىرۋشى تۇلەكتەردى قۇتتىقتاپ, جاس مامانداردىڭ ۋنيۆەرسيتەت بەدەلىن ارتتىرىپ, ەل يگىلىگىنە ادال قىزمەت ەتەتىنىنە سەنىم ءبىلدىردى.
«سىزدەر وسى قاراشاڭىراقتا بويىڭىزعا ءبىلىم عانا ەمەس, ومىرلىك باعىت-باعدار, ادامي قۇندىلىقتار مەن اسقاق رۋحتى سىڭىردىڭىزدەر. ارينە, بۇل الداعى ءومىر جوددارىڭىزدا بيىك ماقساتتارعا جەتەلەيتىن التىن ارقاۋ بولادى دەپ سەنەمىن. كاسىبي جولدارىڭىز تابىس پەن ساتتىلىككە تولى بولعاي!», دەدى رەكتور.
سونىمەن قاتار, ديپلوم تابىستاۋ راسىمىندە تۇلەكتەرگە ۋنيۆەرسيتەت اتىنان ۇلى اقىن اباي قۇنانباەۆتىڭ «قارا سوزدەر» جيناعى ەستەلىك رەتىندە تارتۋ ەتىلدى.
ايتا كەتەيىك, بيىل ماتەماتيكا, فيزيكا جانە ينفورماتيكا فاكۋلتەتىن 850 تۇلەك ءتامامداپ جاتىر. ونىڭ 692-ءى باكالاۆر, 156-ى ماگيسترانت.
