سىيعا تارتىلعان كيىز ءۇي ءبىر مەزەتتە 150-گە جۋىق ادامدى قابىلداي الادى. ۇلتتىق ناقىشتا بەزەندىرىلۋىنە اۋدان كاسىپكەرلەرى ۇيىتقى بولىپ, قولداۋ كورسەتكەن ەكەن. كەزىندە جۇسىپبەك ايماۋىتوۆ جازعان, سەمەيدەگى تالاي تاريحتىڭ كۋاسى بولعان كيەلى ورىن تۇيەمويناق ارالىندا تىگىلگەن كيىز ءۇي قالا تۇرعىندارى مەن قوناقتارىنا ەسىگى ءار اشىق. مۇندا كەلۋشىلەر سەرۋەندەپ ءجۇرىپ ۇلتتىق تاعامداردان ءدام تاتا الادى.
كيىز ءۇيدىڭ اشىلۋىنا وبلىس اكىمى بەرىك ءۋالي جانە ماقانشى اۋدانىنىڭ اقساقالدارى مەن تۇرعىندارى قاتىستى.
«ابايدىڭ تويىنا تارتۋدى العاش بولىپ وبلىسىمىزدىڭ شەتكى, شەكاراداعى اۋدانى ماقانشى ءوڭىرىنىڭ باستاپ جاتقانىنىڭ ۇلكەن ماعىناسى بار دەپ ويلايمىن. بۇل باسقا اۋداندارعا ۇلگى بولارلىق ءىس, يگى باستاما», دەدى ايماق باسشىسى.
وبلىس اكىمى وسىدان ءۇش اي بۇرىن ماقانشى اۋدانىنا بارعان ساپارى اياسىندا كەزىندە ونەرىمەن ەلدى تامساندىرعان ء«ىنجۋ-مارجان» ءانسامبلىن قايتا جانداندىرۋ قاجەتتىگىن ايتقان بولاتىن. بۇگىندە وعان ءتيىستى قارجى ءبولىنىپ, انسامبل ءوز جۇمىسىن قايتا جانداندىرا باستادى. ونى ايتىپ وتىرعان سەبەبىمىز, اتالعان ءىس-شارا اياسىندا ء«ىنجۋ-مارجان» ءانسامبلى جينالعاندارعا ونەرى كورسەتتى.
اباي وبلىسى
