سوڭعى جىلدارى اتالعان اۋماقتا وقۋشى ورىندارىنىڭ تاپشىلىعى وتكىر سەزىلىپ كەلگەن. وسىعان بايلانىستى ارنايى جوبا قولعا الىنىپ, جاڭا ءبىلىم وشاعىنىڭ قۇرىلىسى جۇرگىزىلدى.
جاڭا مەكتەپتە 70 وقۋ كابينەتى بار. 0-4 سىنىپتاردا بەس پاراللەلدەن, 5-11 سىنىپتاردا ءتورت پاراللەلدەن وقىتۋ قاراستىرىلعان. وقۋ ورنى تولىقتاي زاماناۋي تەحنيكامەن جانە قازىرگى ستاندارتتارعا ساي جيھازبەن جابدىقتالعان.
جاڭا مەكتەپ ورىن تاپشىلىعىن شەشىپ قانا قويماي, وقۋشىلارعا ساپالى ءبىلىم الۋعا مۇمكىندىك بەرەتىن قاۋىپسىز ءارى جايلى, تەحنولوگيالىق ءبىلىم بەرۋ ورتاسىن قامتاماسىز ەتەدى.
وڭىردە اپاتتى مەكتەپتەردىڭ ورنىنا جاڭا عيماراتتار سالۋ باعدارلاماسى جۇيەلى تۇردە جۇزەگە اسىرىلىپ كەلەدى. وتكەن جىلى سىچەۆكا, قاراجار جانە مويسەەۆكا اۋىلدارىندا جاڭا مەكتەپتەر پايدالانۋعا بەرىلگەن. تامىز ايىندا اققۋلى اۋدانىنىڭ تلەكتەس اۋىلىندا جانە پاۆلودار اۋدانىنىڭ بىرلىك اۋىلىندا جاڭا وقۋ ورىندارى اشىلادى دەپ جوسپارلانعان. يرتىش اۋدانىنىڭ تلەكتەس پەن قىزىلقاق اۋىلدارىنداعى مەكتەپتەر دە اپاتتى عيماراتتاردىڭ ورنىنا سالىنىپ جاتىر. قىزىلقاقتاعى نىسان كەلەسى جىلى پايدالانۋعا بەرىلەدى.
