ەۋرازيالىق دامۋ بانكى كەڭەسىنىڭ باسقوسۋى

وتىرىستا ەادب باسقارما توراعاسى نيكولاي پودگۋزوۆ 2022–2026 جىلدارعا ارنالعان ستراتەگيانىڭ نەگىزگى كورسەت­كىشتەرى تۋرالى باياندادى. 2024 جىلدىڭ قورىتىندىسىندا جيناق­تالعان ينۆەستيتسيالىق پورتفەل 16,5 ملرد دوللار دەڭ­گەيىنە جەتتى, ينۆەستيتسيا­لار كولەمى وتكەن جىلمەن سالىس­تىر­عاندا 700 ملن دوللارعا ۇلعا­يىپ, 2,4 ملرد دوللار بولدى.  ورنىق­تى دامۋ سالاسىنداعى ماقساتتارعا قول جەتكىزۋگە قوسقان ۇلەسى بار جوبالاردىڭ ۇلەسى 30%-دان استى, بۇل نىسانالى كورسەتكىشتەردەن ەكى ەسە كوپ. ەادب تەحنيكالىق قولداۋدىڭ جوبالىق پورتفەلىن ايتارلىقتاي ۇلعايتتى. بىلتىر بۇل كورسەتكىش 76%-عا ءوسىپ, تاريحي ەڭ جوعارى دەڭگەيگە جەتتى.

باسقارمانىڭ جىلدىق ەسەبى­نە سايكەس بانكتىڭ قازاقستان­داعى ينۆەستيتسيالىق پورتفەلى 7,2 ملرد دوللارعا جەتتى, وعان 116 جوبا, ونىڭ ىشىندە قۇنى  2,9 دوللار ملرد 43 جوبا بار. سون­داي-اق ارمەنيا, قىرعىزستان جانە تاجىكستانداعى باستامالارىنا ينۆەستيتسيالاردىڭ ءوسۋى دە تىلگە تيەك ەتىلدى. بيىل ەادب-نىڭ جيناقتالعان پورتفەلىندە بارلىعى 305 جوبا بار.

ءبىرىنشى جارتىجىلدىق­تىڭ قورىتىندىسىندا  بيىلعا ارنال­عان ينۆەستيتسيالار جوسپار  ورىندالىپ, 2,1 ملرد دوللاردى قۇرادى. دايىندىققا باسا ءمان بەرىلگەن جوبالاردىڭ الەۋەتتى كولەمى 4 ملرد دوللاردان اسادى.

ەادب قۇرۋ تۋرالى كەلىسىمگە وزبەكستان رەسمي تۇردە قوسىلدى. وتىرىس بارىسىندا وزبەك­­ستاننىڭ ينۆەستيتسيالار, ونەر­كاسىپ جانە ساۋدا ءمينيسترى لازيز كۋدراتوۆ بانكپەن بەلسەندى ءوزارا ءىس-قيمىلعا دايىن ەكەنىن جەتكىزدى.

وتىرىس قورىتىندىسىندا  ۇيىم­داستىرۋشىلىق ءارى  قارجى­لىق سيپاتتاعى شەشىمدەر قابىل­داندى. كەڭەس مۇشەلەرىنىڭ ۇسى­نى­سى­مەن پرەمەر-مينيستر ولجاس بەكتەنوۆ ەادب كەڭەسىنىڭ تور­اعا­سى بولىپ سايلاندى. تور­اعا­نىڭ ورىنباسارى بولىپ قار­جى ءمي­نيسترى ءمادي تاكيەۆ تاعايىندالدى.

ەۋرازيالىق دامۋ بانكى — ەۋرا­زيا­لىق كەڭىستىكتە ينۆەس­تي­تسيالىق قىزمەتتى جۇزەگە اسىرا­تىن كوپجاقتى دامۋ بانكى. ەادب پورتفەلىندەگى نەگىزگى ۇلەسى كولىك ينف­راقۇرىلىمى, تسيفرلىق جۇيەلەر, جاسىل ەنەرگەتيكا, اۋىل شارۋاشىلىعى, ونەركاسىپ پەن ماشينا جاساۋ سالالارىنداعى ينتەگراتسيالىق جوبالارعا ارنالادى. بانك بۇۇ-نىڭ ورنىقتى دامۋ سالاسىنداعى ماقساتتارىن جانە ESG قاعيداتتارىن باسشىلىققا الادى. ەادب 2022–2026 ستراتەگيا­سى شەڭبەرىندە «ورتالىق ازيا­نىڭ سۋ-ەنەرگەتيكالىق كەشەنى», «ەۋرا­زيانىڭ كولىك نەگىزى», «ەۋرازيالىق تاۋار وتكىزۋ جەلىسى» سىندى 3 مەگاجوبانى جۇزەگە اسىرادى.