«2023 جىلى پرەزيدەنتتىڭ سايلاۋالدى باعدارلاماسىن ىسكە اسىرۋ اياسىندا ەڭبەك جانە حالىقتى الەۋمەتتىك قورعاۋ مينيسترلىگى جاس كاسىپكەرلەرگە جىلدىق 2,5% مولشەرلەمەمەن ميكروكرەديت بەرۋ قۇرالىن ەنگىزدى. «اگرارلىق نەسيە كورپوراتسياسى» اق-نىڭ كەلىسىمىمەن كەپىلگە قابىلداناتىن نىساندار تىزبەسى كەڭەيتىلدى», دەپ جاۋاپ بەردى ولجاس بەكتەنوۆ دەپۋتاتتىق ساۋالعا.
پرەمەر-ءمينيستردىڭ مالىمەتىنشە, تىزىمگە مىنالار كىرەدى:
-
ەكىنشى دەڭگەيلى بانكتەردەگى شوتتارداعى اقشا قاراجاتتارى;
-
رەسپۋبليكالىق جانە وبلىستىق ماڭىزى بار قالالاردا, اۋدان ورتالىقتارىندا, ۆەدومستۆولىق باعىنىستى قالالار مەن اۋىلدىق ەلدى مەكەندەردەگى جىلجىمايتىن م ۇلىك;
-
جەكەمەنشىككە نەمەسە ۇزاق مەرزىمدى جالعا الىنعان اۋىل شارۋاشىلىعى ماقساتىنداعى جەر تەلىمدەرى (ەگىستىك جەرلەر);
-
جايىلىمداردى سۋارۋعا ارنالعان ينفراقۇرىلىمى بار جانە قورشالعان جەر تەلىمدەرى;
-
باۋ-باقشا ءۇشىن بولىنگەن جەرلەر;
-
ارنايى تەحنيكا.
«2023 جىلى جالپى سوماسى 26,4 ملرد تەڭگەگە 5 658 ميكروكرەديت بەرىلدى. ونىڭ 64,6%-ى (3 656 ميكروكرەديت) اۋىلدىق جەرلەردە, 35,4%-ى (2 002 ميكروكرەديت) قالالاردا بەرىلدى. ەڭ كوپ ۇلەس مال شارۋاشىلىعىنا تيەسىلى — 54,8%, ودان كەيىن قىزمەت كورسەتۋ سالاسى (32,9%), ساۋدا (6,9%), جەڭىل ونەركاسىپ (3,8%), ەگىنشىلىك (1,1%), قايتا وڭدەۋ سالاسى (0,5%)», دەپ اتاپ ءوتتى و. بەكتەنوۆ.
سونداي-اق ول 2024 جىلى رەسپۋبليكالىق بيۋدجەت تاپشىلىعىنا بايلانىستى ميكروكرەديتتەۋدى قارجىلاندىرۋ قاراستىرىلماعانىن ايتتى.
«دەگەنمەن, جاستار كاسىپكەرلىگىن قولداۋ 2022 جىلدان بەرى ىسكە اسىرىلىپ كەلە جاتقان «اۋىل اماناتى» جوباسى اياسىندا جالعاسادى. بۇل جوبادا دا اۋىلدىق جەرلەردەگى جىلجىمايتىن م ۇلىك كەپىل رەتىندە قابىلدانادى», دەپ قوستى ۇكىمەت باسشىسى.
