پرەمەر-مينيستر ولجاس بەكتەنوۆ «Tubacex» ۆيتسە-پرەزيدەنتى انتون ازلورمەن كەزدەسىپ, ونەركاسىپ سالاسىنداعى ينۆەستيتسيالىق جوبالاردى جۇزەگە اسىرۋدى تالقىعا سالدى. ماڭىزدى كەزدەسۋدە ونەركاسىپ سالاسىنداعى ىنتىماقتاستىق كەلەشەگى, ونىڭ ىشىندە جوعارى تەحنولوگيالى جاڭا وندىرىستەردى ەنگىزۋ ماسەلەلەرى تالقىلاندى. جىكسىز قۇبىرلاردى قوسا العاندا, مۇناي-گاز سالاسىندا سۇرانىسقا يە ونىمدەر شىعارۋعا نازار اۋدارىلدى.
شەتەلدىك ينۆەستور اتىراۋ وبلىسىندا توت باسپايتىن بولاتتان جانە نيكەل قورىتپالارىنان جاسالعان جىكسىز قۇبىرلار شىعاراتىن ورتالىق ازياداعى العاشقى زاۋىتتى سالۋ جوباسىن ۇسىندى. جوبا جۇزەگە اسسا 12 مىڭ تونناعا دەيىن دايىن ءونىم وندىرىلەدى.
سونىمەن قاتار زاماناۋي مۇناي-گاز ماشيناسىن جاساۋ زاۋىتىن اشۋدىڭ قارەكەتى تە قامتىلدى. ەل ۇكىمەتى قوسىلعان قۇنى جوعارى ءونىم شىعارۋ بويىنشا وندىرىستەر اشۋعا باسا نازار اۋدارا وتىرىپ, ونەركاسىپ سەكتورىنا ينۆەستورلار تارتۋعا مۇددەلى ەكەنىن اڭعارتتى.
كەزدەسۋ سوڭىندا تاراپتار ءارى قاراي اشىق جانە سىندارلى ديالوگكە دايىن ەكەنىن جەتكىزدى. ءتيىستى مەملەكەتتىك ورگاندارعا جوبانى ودان ءارى جۇزەگە اسىرۋ ءۇشىن قولداۋ تانىتۋ تاپسىرىلدى.
يسپانيانىڭ «Tubacex» كومپانياسى مۇناي مەن گاز ءوندىرۋ (سۋاستى, ءسۋۇستى جانە جەرۇستى), ەلەكتر ەنەرگياسىن ءوندىرۋ ء(داستۇرلى جانە اتوم), سونداي-اق مۇناي حيمياسى ونەركاسىبى سالاسىنداعى جەتەكشى كومپانيالار ءۇشىن توت باسپايتىن بولاتتان سونىمەن قاتار ەنەرگەتيكاعا ارنالعان ارنايى قورىتپالاردان جاسالعان ونىمدەردى وندىرۋدە الەمدىك كوشباسشى سانالادى. «Tubacex»-ءتىڭ الەمدە 24 وندىرىستىك كاسىپورنى مەن 14 قىزمەت كورسەتۋ ورتالىعى بار.
