فوتو: اۋىل شارۋاشىلىعى مينيسترلىگى
جوبانى بۇۇ-نىڭ ازىق-ت ۇلىك جانە اۋىل شارۋاشىلىعى ۇيىمىنىڭ قولداۋىمەن «قازاقستاننىڭ ەكولوگيالىق ۇيىمدارى قاۋىمداستىعى» زاڭدى تۇلعالار بىرلەستىگى جۇزەگە اسىرىپ جاتىر.
باستامانىڭ ماقساتى – فەرمەرلەردى اگروورمانمەليوراتسيانىڭ زاماناۋي ادىستەرىنە وقىتۋ ارقىلى جەردى تۇراقتى پايدالانۋ مەن جايىلىمدىق القاپتاردى قالپىنا كەلتىرۋدى ىلگەرىلەتۋ.
الماتىدا قازاق مال شارۋاشىلىعى جانە مال ازىعى ءوندىرىسى عىلىمي-زەرتتەۋ ينستيتۋتىنىڭ بازاسىندا كوشپەلى جايىلىم مەكتەبىن اشۋ جوسپارلانىپ وتىر.
24-25 ماۋسىم كۇندەرى اقتوبە وبلىسىنىڭ ايتەكە بي اۋدانىندا جايىلىمداردى باعالاۋ جانە پراكتيكالىق جاتتىعۋلاردى قامتيتىن وقىتۋ سەمينارلارى مەن دالالىق ساباقتار وتەدى. شارا سوڭىندا قاتىسۋشىلارعا سەرتيفيكاتتار تابىستالادى.
جوبا قازاقستاننىڭ كليماتتىڭ وزگەرۋ سالدارىنا, سونىڭ ىشىندە جايىلىمداردىڭ توزۋى مەن اۋىل شارۋاشىلىعى ونىمدىلىگىنىڭ تومەندەۋىنە بەيىمدەلۋىنە ىقپال ەتۋگە باعىتتالعان.
فەرمەرلىك دالالىق مەكتەپتەر اۋىل شارۋاشىلىعى وندىرۋشىلەرىنە جەر رەسۋرستارىن تۇراقتى باسقارۋ ادىستەرىن مەڭگەرۋگە, توپىراق قۇنارلىلىعىن قالپىنا كەلتىرۋگە جانە مال شارۋاشىلىعىنىڭ تيىمدىلىگىن ارتتىرۋعا مۇمكىندىك بەرەدى.
فەرمەرلىك دالالىق مەكتەپتەر قازاقستان اگروسەكتورىندا عىلىم مەن پراكتيكانى ۇشتاستىراتىن جاڭا ءتيىمدى الاڭعا اينالىپ, ورنىقتى اۋىل شارۋاشىلىعىنىڭ تابىستى ۇلگىلەرىن ەلدىڭ باسقا وڭىرلەرىندە كەڭىنەن تاراتۋعا ارنالعان پەرسپەكتيۆالى قۇرال بولماق.
