فوتو: qamqor.gov.kz
قارلىعاش تاتكەەۆا جامبىل وبلىسىندا دۇنيەگە كەلگەن. 1990 جىلى بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ زاڭ فاكۋلتەتىنە وقۋعا تۇسكەن.
1994 جىلدىڭ مامىر ايىنان 1995 جىلعا دەيىن جامبىل وبلىسى شۋ قالاسى پروكۋراتۋراسىنىڭ تەرگەۋشىسىنىڭ كومەكشىسى بولىپ جۇمىس ىستەدى. ۋنيۆەرسيتەتتى بىتىرگەننەن كەيىن 1995-2002 جىلدار ارالىعىندا جامبىل وبلىسىنىڭ پروكۋراتۋراسىندا ءتۇرلى لاۋازىمداردا قىزمەت اتقاردى:
- شۋ قالاسى پروكۋرورىنىڭ اعا كومەكشىسى بوس لاۋازىمىنا تاعىلىمدامادان ءوتۋشى;
- ۇيىمداستىرۋ-تالداۋ جۇمىسى جانە ازاماتتاردىڭ وتىنىشتەرىن قاراۋ ءبولىمىنىڭ اعا پروكۋرورى;
- ۇيىمداستىرۋ-كادر جۇمىسى ءبولىمىنىڭ اعا پروكۋرورى;
- سارىسۋ اۋدانى پروكۋرورىنىڭ اعا كومەكشىسى;
- الەۋمەتتىك-ەكونوميكالىق سالاداعى زاڭدىلىقتى قاداعالاۋ ءبولىمىنىڭ پروكۋرورى.
2002 جىلدىڭ ساۋىرىنەن 2003 جىلدىڭ تامىزىنا دەيىن تاراز قالاسىنداعى «بنب» جشس ديرەكتورىنىڭ قۇقىقتىق ماسەلەلەر جونىندەگى ورىنباسارى قىزمەتىن اتقاردى.
2003 جىلعى 21 تامىزدان - قاراعاندى وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ سۋدياسى.
