فوتو: ۆيدەودان سكرين
كورشىلەردىڭ ايتۋىنشا, قىز پاتەردەن پىشاق جاراقاتتارىمەن تابىلعان. وقيعا الدىندا پاتەردەن قاتتى شۋ ەستىلگەن. وسىدان كەيىن كۇدىكتى كوشەدە جۇرگەن ادامدارعا پىشاقپەن شابۋىل جاساپ, مارقۇمنىڭ كىشكەنتاي ءىنىسىن جارالاعان. ءجاسوسپىرىم كەيىن بالالار الاڭىندا پىشاق جاراقاتتارىمەن تابىلىپ, اۋرۋحاناعا جەتكىزىلدى.
حابارلامادا ايتىلعانداي, شابۋىلدان كەيىن قاسكوي مارقۇمنىڭ پاتەرىندە تىعىلىپ قالعان. پوليتسيا كەلگەن كەزدە 21 جاستاعى ەر ادام ءوز ەركىمەن بەرىلگەن.
استانا قالالىق پوليتسيا دەپارتامەنتى بۇل فاكت بويىنشا كىسى ءولتىرۋ بابىمەن قىلمىستىق ءىس قوزعالعانىن, كۇدىكتىنىڭ ۇستالىپ, ۋاقىتشا ۇستاۋ يزولياتورىنا قامالعانىن مالىمدەدى.
«پوليتسياعا تۇرعىن ۇيدەگى پاتەرلەردىڭ بىرىنەن پىشاق جاراقاتى بويىنشا حابارلاما كەلىپ ءتۇستى. وقيعا ورنىنان زورلىق-زومبىلىق بەلگىلەرى بار قىزدىڭ ءمايىتى تابىلدى. سونىمەن قاتار ونىڭ كامەلەتكە تولماعان ءىنىسى دە زارداپ شەكتى, ول پىشاق جاراقاتىمەن اۋرۋحاناعا جەتكىزىلدى. قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر», دەلىنگەن ۆەدومستۆو حابارلاماسىندا.
قر قىلمىستىق-پروتسەستىك كودەكسىنىڭ 201-بابىنا سايكەس, وزگە اقپارات جاريا ەتىلمەيدى.
