«كەشە جىگىتتەرمەن سويلەسىپ, العىس ايتتىق. «اتىراۋ» فۋتبول كلۋبىنان 8 ويىنشى كەتەدى. ءبارىن دە نازاردان تىس قالدىرمايمىز. كلۋبسىز قالسا, جۇمىسقا ورنالاسۋىنا كومەك بەرەمىز», دەپ حابارلادى ديدار سىدىقبەك.
«اتىراۋ» فۋتبول كلۋبىنان كەتەتىن ويىنشىلاردىڭ اراسىندا 1 قاقپاشى, 2 قورعاۋشى, 2 جارتىلاي قورعاۋشى مەن 3 شابۋىلشى بار. قورعانىس شەبىندە ويناعان مەرەي ساپانوۆتىڭ جاسى – 39-دا. ونىمەن بىرگە اماندىق ءنابيحانوۆ تا قورعاۋشى بولعان.
ال, راۆيل اتىحانوۆ پەن رومان چيركوۆ جارتىلاي قورعاۋشى, ەدىگە ورالباي, ابزال شوقان مەن باعداۋلەت زۇلفىقاروۆ شابۋىلشى پوزيتسياسىندا دوپ تەپتى.
سونداي-اق, 19 جاستاعى قاقپاشى سانجار ەرنيازوۆ – فۋتبول كلۋبىنان كەتكەن 2 قاقپاشىنىڭ ءبىرى. ەندى كوماندا قۇرامىندا 1 قاقپاشى قالدى.
«جاڭا باس جاتتىقتىرۋشى وزگە ويىنشىلاردى قارىم-قابىلەتىن كورەدى. سودان سوڭ شەشىم قابىلدايدى. الداعى دۇيسەنبىدە جاڭا ويىنشىلاردى تانىستىرا باستايمىز», دەپ ءمالىم ەتتى ديدار سىدىقبەك.
