جايىق وزەنىنە جىبەرىلگەن سۋ مارجانىنىڭ اراسىندا ءپىلماي, بەكىرە جانە قورتپا بالىعىنىڭ شاباعى بار.
«تابيعي مەكەندەۋ ورتاسىنا 2,1 ملن ءپىلماي, بەكىرە جانە قورتپا بالىقتارىنىڭ شاباعى جىبەرىلدى. بۇل 2025 جىلعا ارنالعان بالىق رەسۋرستارىنىڭ ءوسىمىن مولايتۋ جونىندەگى مەملەكەتتىك تاپسىرىس شەڭبەرىندە جۇزەگە اسىرىلدى. بيىل اتىراۋ بەكىرە بالىق ءوسىرۋ زاۋىتىمەن جىبەرىلەتىن بالىق شاباقتارىنىڭ كولەمى 5 ملن دانانى قۇرايدى. قازىر سۋ ايدىندارىندا بالىق قورىن مولايتۋ جۇمىسى جالعاسىپ جاتىر», دەپ حابارلادى كوميتەتتىڭ ءباسپاسوز قىزمەتى.
سۋ ايدىنىنا بالىق شاباقتارىن جىبەرۋ جۇمىسىنا ارنايى كوميسسيا باقىلاۋ جۇرگىزدى. كوميسسيا قۇرامىندا جايىق-كاسپي وبلىسارالىق بالىق شارۋاشىلىعى باسسەيندىك ينسپەكتسياسىنىڭ, اتىراۋ وبلىسى اكىمدىگىنىڭ, «Qazaq Balyk» زتب جانە «بالىق شارۋاشىلىعىنىڭ عىلىمي-وندىرىستىك ورتالىعى» جشس اتىراۋ فيليالىنىڭ وكىلدەرى بار.
