اۋدان ەكونوميكاسىنىڭ نەگىزگى تىرەگى – اۋىل شارۋاشىلىعى. ەسەپتى كەزەڭدە اۋىل شارۋاشىلىعىنىڭ جالپى ءونىم كولەمى 53 ملرد تەڭگەنى قۇراپ, وتكەن جىلدىڭ سايكەس كەزەڭىمەن سالىستىرعاندا 125,9 پايىزعا ءوستى. ونەركاسىپ سالاسىندا دا ءوسىم بايقالىپ, وندىرىلگەن ءونىم كولەمى 3,4 ملرد تەڭگەنى قۇرادى (يفو – 104,8%).
«تۇرعىن ءۇي قۇرىلىسى دا قارقىن الۋدا. 2024 جىلى 27 پاتەرلى تۇرعىن ءۇي پايدالانۋعا بەرىلىپ, 27 وتباسى باسپانالى بولدى. جالپى اۋدانى 3,7 مىڭ شارشى مەتر تۇرعىن ۇيلەر پايدالانۋعا بەرىلدى. بيىل وبلىس اكىمدىگىنىڭ قولداۋىمەن 18 پاتەرلى تاعى ءبىر تۇرعىن ءۇيدىڭ قۇرىلىسى جوسپارلانعان», – دەدى سپيكەر.
2024 جىلى اۋدان ەكونوميكاسىنا 11,1 ملرد تەڭگە ينۆەستيتسيا باعىتتالدى. الايدا 2023 جىلعى اۋىل شارۋاشىلىعى ماۋسىمىنىڭ قولايسىزدىعى سالدارىنان اۋىل شارۋاشىلىق تەحنيكالارىن جاڭارتۋ قارقىنى ءسال تومەندەگەن. ماسەلەن, بيىل تەحنيكالار 3 ملرد تەڭگەگە عانا الىنعان (2023 جىلى – 6 ملرد تەڭگە).
اۋداندىق بيۋدجەتكە تۇسەتىن كىرىس 100,9 پايىزعا ورىندالىپ, 3815 ملن تەڭگەنى قۇرادى. ءوز كىرىستەرى بويىنشا جوسپار 102,5 پايىزعا ورىندالدى.
اۋىز سۋمەن قامتۋ ماسەلەسى 100 پايىز دەڭگەيدە شەشىمىن تاپتى, ياعني 25 ەلدى مەكەننىڭ 19-ى ورتالىقتاندىرىلعان, 6-ۋى مودۋلدىك بلوك ارقىلى قامتىلعان.
كولىك ينفراقۇرىلىمىن دامىتۋعا 552 ملن تەڭگە ءبولىنىپ, 9 ەلدى مەكەندە 13 شاقىرىم جول جوندەلدى. ناتيجەسىندە جاقسى جانە قاناعاتتانارلىق جولداردىڭ ۇلەسى 80-نەن 87 پايىزعا ارتتى.
2024 جىلى وبلىستىق بيۋدجەت ەسەبىنەن قۋاتتى 7,5 گيگاكالوريا بولاتىن بلوكتى-مودۋلدىك قازاندىق ورناتىلىپ, بىرنەشە كوپقاباتتى ءۇي مەن مەكەمەلەر جىلۋعا قوسىلدى. سونداي-اق, 3 اۋىلدىق كلۋبقا جاڭا جىلۋ جۇيەسى ورناتىلدى.
«اۋداندا جىل باسىنان بەرى 693 جۇمىس ورنى قۇرىلدى (ونىڭ ىشىندە 477-ءسى – تۇراقتى). 8 ۇلتتىق جوبا جۇزەگە اسىرىلىپ, 158 جۇمىس ورنى اشىلدى. ءبىلىم سالاسىندا دا وڭ كورسەتكىشتەر بار. 2023-2024 وقۋ جىلىندا 9 وقۋشى «التىن بەلگى», 7-ءۋى ۇزدىك اتتەستات يەگەرى اتاندى. مەكتەپكە دەيىنگى تاربيەمەن قامتۋ دەڭگەيى – 90 پايىز», – دەپ تولىقتىردى اكىم.
دەنساۋلىق ساقتاۋ سالاسىندا اۋداندا 13 دارىگەر تارتىلىپ, كادر تاپشىلىعى جويىلدى. 2024 جىلى 344 وپەراتسيا ءساتتى وتكىزىلدى. «قازاقستان حالقىنا» جانە «قامقورلىق» قورلارى ارقىلى 7 اۋدانعا قىزمەت كورسەتەتىن «قامقورلىق» بالالاردى وڭالتۋ ورتالىعى اشىلدى.
مادەنيەت پەن سپورت سالاسىندا دا وڭ وزگەرىستەر بار. «اۋىل – ەل بەسىگى» اياسىندا زاپوروجە اۋىلدىق كلۋبى جوندەلدى. جاقسى اۋىلىندا دەنە شىنىقتىرۋ-ساۋىقتىرۋ كەشەنى مەن بالالار ويىن-ساۋىق ورتالىعى سالىندى. جاڭاقيما اۋىلىندا سپورت كەشەنىنىڭ قۇرىلىسى ءجۇرىپ جاتىر.
بريفينگتە الماگۇل قادىرالينا اۋدان حالقىنىڭ ءومىر ءسۇرۋ ساپاسىن ارتتىرۋ باعىتىندا جۇيەلى جۇمىستار جالعاساتىنىن اتاپ ءوتتى.
