28 ماۋسىمنان باستاپ اتىراۋدان دۋبايعا قاتىنايتىن اۋە رەيسى ۇشۋ ۋاقىتىنىڭ ۇزارۋىنا بايلانىستى ۋاقىتشا توقتاتىلادى. ال استانا مەن الماتىدان دۋبايعا ۇشاتىن رەيستەر يران مەن يراك اۋە كەڭىستىگىن اينالىپ وتەتىن باعىت ارقىلى ورىندالا بەرەدى.
كومپانيانىڭ مالىمەتىنشە, ۋاقىتشا توقتاتىلعان رەيستەرگە بيلەت العان جولاۋشىلارعا اتىراۋدان باسقا باعىتتارعا نەمەسە استانا مەن الماتىدان دۋبايعا تەگىن قايتا برونداۋ, سونداي-اق اۋە بيلەتتەرىنىڭ تولىق اقشاسىن قايتارىپ الۋ ۇسىنىلادى.
ايتا كەتەيىك, 13 ماۋسىمدا قازاقستان بيلىگى تاياۋ شىعىس ماڭىنداعى التى ەلدىڭ اۋە كەڭىستىگىندە ۇشۋعا تىيىم سالعان بولاتىن. دەگەنمەن, 16 ماۋسىمدا سىرتقى ىستەر مينيسترلىگىنىڭ وكىلى بۇل ەسكەرتۋلەرگە قاراماستان, تۋريستەرمەن تولتىرىلعان ۇشاقتاردىڭ بىرىككەن اراب امىرلىكتەرىنە ۇشىپ جاتقانىن مالىمدەدى.
19 ماۋسىمدا Wizz Air Abu Dhabi اۋە كومپانياسى تاياۋ شىعىستاعى شيەلەنىسكە بايلانىستى استانا – ابۋ-دابي باعىتىنداعى رەيستەردى ۋاقىتشا توقتاتقانىن حابارلادى.
ەسكە سالا كەتەيىك, 13 ماۋسىمعا قاراعان ءتۇنى ءيزرايلدىڭ يران اۋماعىنداعى نىساندارعا سوققى بەرۋى تاياۋ شىعىستاعى احۋالدىڭ كۇرت شيەلەنىسۋىنە سەبەپ بولدى.
