سۋرەتتى تۇسىرگەن – اۆتور
سۋبۇرقاق توستاعاندارىنىڭ نەگىزگى قاپتاۋ بولىگىنە اعىمداعى جوندەۋ جۇرگىزۋ قاجەت. ولاردىڭ جابدىقتارى جىل سايىن ماۋسىم اياقتالعاننان كەيىن قالپىنا كەلتىرىلەدى, ىستەن شىققاندارى جاڭاسىمەن اۋىستىرىلادى.
– 22 سۋبۇرقاقتىڭ ۇشەۋى 5 جىلدان از ۋاقىت بۇرىن سالىنعان ء(«ماشھۇر ءجۇسىپ» مەشىتى, «يۋ. گاگارين اتىنداعى ساياباق», مەتاللۋرگتەر ساياباعى), 4 سۋبۇرقاقتا جابدىقتار مەن قاپتاما پليتكالاردى اۋىستىرۋ جۇمىستارى جۇرگىزىلدى. قازىرگى زامانعى ديزاينمەن بەزەندىرىلگەن 3 قۇرعاق سۋبۇرقاق جۇمىس ىستەيدى. ەستەتيكالىق تارتىمدىلىعىنان بولەك, بارلىق سۋبۇرقاق شاھار ەكولوگياسىن جاقسارتۋعا دا قىزمەت ەتەدى. اسىرەسە قۇرعاق كليمات جاعدايىندا اۋانى ىلعالداندىرۋعا كومەكتەسەدى, جازدىڭ ىستىق كۇندەرى سالقىنداتۋ اسەرىن قامتاماسىز ەتە الادى, – دەيدى اكىمدىكتىڭ اباتتاندىرۋ سەكتورىنىڭ مەڭگەرۋشىسى الىبەك ورازالين.
نىسانداردى كۇتىپ ۇستاۋعا, اعىمداعى جوندەۋگە بيىل 76 ملن تەڭگە بولىنگەن. قاراجات ءاربىر سۋبۇرقاقتاعى وپەراتورلاردىڭ جالاقىسىنا, سۋبۇرقاقتاردى جيناۋدىڭ حيميالىق قۇرالدارى مەن سۋ بەرۋ-اعىزۋ كوممۋنالدىق شىعىندارىنا, اعىمداعى جوندەۋگە, قاپتاما پليتكالارىن, ىستەن شىققان سورعىلاردى اۋىستىرۋعا, وزگە شىعىس ماتەريالدارىنا جۇمسالادى.
اكىمدىك وكىلدەرى سۋبۇرقاق اينالاسىندا سەرۋەندەپ جۇرگەن تۇرعىنداردان تۇرمىستىق قوقىستاردى لاقتىرماۋدى سۇرايدى. باقىلاۋسىز قالعان بالالار سۋبۇرقاققا شومىلىپ جاتاتىن جاعدايلار ءجيى كەزدەسەدى. نەگىزى سۋبۇرقاقتاعى سۋعا تۇسۋگە قاتاڭ تىيىم سالىنعان. سوندىقتان جاز مەزگىلىندە اتا-انالار بۇعان ەرەكشە نازار اۋدارعانى ءجون.
پاۆلودار وبلىسى
