فوتو: ەنەرگەتيكا مينيسترلىگى
قر ەنەرگەتيكا مينيسترلىگىنىڭ مۇناي-گاز حيمياسى دەپارتامەنتىنىڭ ديرەكتورى تەمىرلان ۋركۋمباەۆتىڭ ايتۋىنشا, 2030 جىلعا دەيىنگى سالانى دامىتۋ جونىندەگى جاڭا جول كارتاسى ەلدىڭ دەكاربونيزاتسيا جانە يندۋستريالىق ءوسۋ ستراتەگياسىنىڭ نەگىزگى ەلەمەنتىنە اينالادى.
«قازاقستان تەك شيكىزات جەتكىزۋشىسى رەتىندە تانىلعان كەزەڭ اياقتالىپ كەلەدى. ءبىز جاڭا, جوعارى تەحنولوگيالى ءارى تۇراقتى ەكونوميكا قۇرۋدامىز. مۇناي-گاز حيمياسى – بۇل ءوز رەسۋرستارىمىزدى تەرەڭ وڭدەۋگە اپارار جول. بۇل جاي عانا زاۋىتتار ەمەس, بۇل – مىڭداعان ساپالى جۇمىس ورىندارى, عىلىم مەن تەحنولوگيالاردىڭ دامۋى, سونىمەن قاتار قازاقستاننىڭ الەمدىك نارىقتاعى پوزيتسياسىن كۇشەيتۋ», دەپ اتاپ ءوتتى ت.ۋركۋمباەۆ.
باعدارلامانىڭ نەگىزى التى ءىرى ينۆەستيتسيالىق جوبا بولادى. ولاردىڭ كەيبىرى قازىردىڭ وزىندە بەلسەندى ىسكە اسىرىلىپ جاتىر:
پوليپروپيلەن ءوندىرۋ زاۋىتى (KPI): ىسكە قوسىلىپ, جىلىنا 500 مىڭ توننا ءونىم ءوندىرىپ وتىر.
پوليەتيلەن ءوندىرۋ زاۋىتى: قۋاتتىلىعى جىلىنا 1,25 ملن توننا بولاتىن زاۋىت بەلسەندى تۇردە سالىنۋدا (دايىندىق جۇمىستارىنىڭ 49%-ى اياقتالدى), ىسكە قوسىلۋى 2029 جىلعا جوسپارلانعان.
سونىمەن قاتار, اۋىل شارۋاشىلىعىندا, اۆتوكولىك جانە جەڭىل ونەركاسىپتە سۇرانىسقا يە بولاتىن بۋتاديەن, كارباميد جانە باسقا دا ونىمدەردى ءوندىرۋ بويىنشا جوبالار قاراستىرىلىپ جاتىر.
جاڭا كلاستەردىڭ وزەگى – 3600 گەكتاردان استام اۋماقتى الىپ جاتقان «ۇلتتىق يندۋستريالىق مۇناي-حيميا تەحنوپاركى» ارنايى ەكونوميكالىق ايماعى (اەا) بولادى. اەا ينۆەستورلارعا دايىن ينفراقۇرىلىم مەن سالىقتىق جەڭىلدىكتەر ۇسىنا وتىرىپ, بۇگىندە 18 قاتىسۋشى كومپانيانى بىرىكتىرىپ وتىر.
مۇناي-گاز حيمياسىن دامىتۋ ستراتەگياسى – ەكونوميكانى ارتاراپتاندىرۋعا جانە تۇراقتى يندۋستريالىق بولاشاقتى قالىپتاستىرۋعا باعىتتالعان قازاقستان ۇكىمەتىنىڭ باسىم باعىتتارىنىڭ ءبىرى.
