«كورمە» ورتالىعىندا شاھاردىڭ ازىق-ت ۇلىك, فارماتسەۆتيكا, ماشينا جاساۋ, حيميا, جەڭىل ونەركاسىپ, قۇرىلىس يندۋسترياسى جانە باسقا دا سالالار بويىنشا ءونىم شىعاراتىن كومپانيالار ونىمدەرىن كەلۋشىلەر نازارىنا ۇسىندى.
ۇيىمداستىرۋشىلاردىڭ ايتۋىنشا شىمكەنتتە ەكونوميكالىق بەلسەندىلىك ارتىپ, كاسىپكەرلىك جىل وتكەن سايىن دامىپ كەلەدى. وسىعان وراي كورمە-بايقاۋ جەرگىلىكتى كاسىپكەرلەردى ناسيحاتتاۋ, ولاردىڭ ساپالى ونىمدەرىن حالىققا تانىستىرۋدى ماقسات تۇتتى. قوس بايقاۋعا جۇزدەن استام كاسىپكەر قاتىستى. اراسىندا ءىرى, ورتا جانە شاعىن بيزنەس وكىلدەرى دە بار. تاۋەلسىز ساراپشىلار سولاردىڭ اراسىنان ۇزدىكتەرىن انىقتاپ الدى. ەندى ولار ءارى قاراي رەسپۋبليكالىق بايقاۋدا باق سىنايدى.
ء«بىر اۋىل – ءبىر ءونىم» جوباسىنا قاتىسقاندار دا ونىمدەرىن كورمەگە قويدى. بايقاۋ ناتيجەسىندە قىرىقتان استام تاۋار ءوندىرۋشىنىڭ اراسىنان 10 ۇزدىك جەكە كاسىپكەر ىرىكتەلىپ الىندى.
ايتا كەتۋ كەرەك ء«بىر اۋىل – ءبىر ءونىم» جوباسى جەرگىلىكتى ءونىمنىڭ بىرەگەي تۇرلەرىن شىعاراتىن كاسىپكەرلەرگە قولداۋ كورسەتۋدى كوزدەيدى. بۇل بويىنشا كاسىپكەرلەردى وقىتۋ مەن كونسۋلتاتسيالىق سۇيەمەلدەۋ قاراستىرىلعان. ياعني جوباعا قاتىسۋشىلار جەرگىلىكتى برەندتەردى قالىپتاستىرامىز دەسە ولارعا ناقتى كومەكتەر بەرىلەدى. سونىمەن بىرگە رەسپۋبليكالىق, حالىقارالىق نارىقتارعا شىعۋ ءۇشىن دە قولداۋلار كورسەتىلەدى.
كونكۋرسقا تۇسكەندەردىڭ ءونىمى ساپا مەن باسەكەگە قابىلەتتىلىگى جاعىنان باعالاندى.
سونىمەن, تاۋەلسىز ساراپشى-اۋديتورلار, بيزنەس-قاۋىمداستىقتار, سالالىق قوعامدىق بىرلەستىكتەر مەن جەرگىلىكتى دەڭگەيدەگى مەملەكەتتىك ورگان وكىلدەرىنەن قۇرالعان ساراپتامالىق كوميسسيا ءۇش نوميناتسيا بويىنشا كونكۋرس جەڭىمپازدارىن انىقتادى. اتاپ ايتقاندا «حالىق تۇتىناتىن ۇزدىك تاۋارلار» نوميناتسياسىنا – «مير KDM تىگىن الەمى», «Sagitex» پەن «بال تەكستيل» سەرىكتەستىكتەرى لايىق دەپ تانىلدى. ال «وندىرىستىك ماقساتتاعى ۇزدىك تاۋارلار» اتالىمىن «QazAlPack», «Asia Trafo», «Karlskrona LC AB» كومپانيالارى جەڭىپ الدى. سونداي-اق «ۇزدىك ازىق-ت ۇلىك تاۋارلارى» نوميناتسياسى «الان ي كومپانيا», «فيركان», «سايرام نان» كاىپورىندارىنا تابىستالدى.
بارلىق جەڭىمپازدار استانا قالاسىندا وتەتىن «قازاقستاننىڭ ۇزدىك تاۋارى – 2025» رەسپۋبليكالىق بايقاۋىنا قاتىسا الادى.
ءىس-شارا سوڭى ونەرپازدار ۇجىمى دايىنداعان مەرەكەلىك كونتسەرتكە ۇلاستى.
شىمكەنت
