فوتو: جي فوتويلليۋستراتسياسى, Oqu-agartu ministrligi
وتاندىق مازمۇنعا بەيىمدەلگەن اتالعان ازىرلەمە ەلىمىز بويىنشا 10 مىڭنان استام وقۋشى قاتىسقان سىناقتان وتكەن.
ى.التىنسارين اكادەمياسىنىڭ پرەزيدەنتى ءنازيپا ايۋباەۆانىڭ ايتۋىنشا, اتالعان قۇرال ۋنيۆەرسيتەتتەردىڭ 400-دەن استام باعدارلاماسى, كوللەدجدەردىڭ 200-گە جۋىق ماماندىعى مەن جۇمىسشى كاسىپتەرىن بىرىكتىرەتىن مانساپ كومپاسى تسيفرلىق پلاتفورماسىنا ەنگىزىلگەن.
«پلاتفورما وقۋشىلاردىڭ, پەداگوگتەردىڭ جانە اتا-انالاردىڭ جەكە كابينەتتەرىنە قول جەتكىزۋدى قامتاماسىز ەتە وتىرىپ, ءبىر تسيفرلىق كەڭىستىكتە جۇيەلى كاسىپتىك باعدارلاۋدى قامتاماسىز ەتەدى. تەست ناتيجەلەرى اۆتوماتتى تۇردە وڭدەلەدى: وقۋشىلار – جەكە اقىل-كەڭەستەر, پەداگوگتەر – زاماناۋي سۇيەمەلدەۋ قۇرالدارىن, ال اتا-انالار – بالانىڭ دامۋ ساراپتاماسى مەن ديناميكاسى تۋرالى اقپارات الادى», دەپ اتاپ ءوتتى ن.ايۋباەۆا.
وقۋ-اعارتۋ مينيسترلىگىنىڭ حابارلاۋىنشا اتالعان باستاما بولاشاق كاسىپتى ەرتە جاستان سانالى تاڭداۋدى قالىپتاستىرۋعا باعىتتالعان جانە 7-9 سىنىپ وقۋشىلارىنا ارنالعان. بۇل ادىستەمە وقۋشىلارعا قىزىعۋشىلىقتارىن ايقىنداۋعا, قابىلەتتەرىن انىقتاۋعا جانە ودان ءارى دامۋ ءۇشىن وڭتايلى باعىتتاردى تاڭداۋعا سەپتەسەدى.
