ايتا كەتەيىك, الەم كۋبوگىنىڭ العاشقى كەزەڭى فرانتسيادا, ەكىنشى كەزەڭى مىسىردا, ال ءۇشىنشى كەزەڭى كانادادا ەلدەرىندە وتكەن ەدى. ءتورتىنشى كەزەڭ – سۋپەر فينال قىتاي ەلىندە ۇيىمداستىرىلدى. بارلىعى 16 ەلدەن 125 قاتىسۋشى باق سىنادى. ارۋبا, اۋستراليا, قىتاي, كولۋمبيا, يسپانيا, ۇلىبريتانيا, گرۋزيا, گەرمانيا, ماجارستان, جاپونيا, قازاقستان, مەكسيكا, رەسەي (بەيتاراپ اتلەتتەر), سينگاپۋر جانە وزبەكستان ەلدەرىنىڭ سپورتشىلارى سينحروندى جۇزۋدەن ءوزارا باسەكەگە ءتۇستى.
بۇل جارىسقا دا ەلىمىزدىڭ سپورتشىلارى تىڭعىلىقتى دايىندالعانىن اتاپ وتكەن ءجون. جالپى, قازاقستان سۋ سپورتى تۇرلەرى فەدەراتسياسىنىڭ جاڭا باسشىلىعى – «سامۇرىق-قازىنا» ۇلتتىق ءال-اۋقات قورى» اق جانە «كEGOC» اق وكىلدەرى بولعالى بۇل سپورت سالاسىنىڭ ماتەريالدىق-تەحنيكالىق بازاسى ايتارلىقتاي جاقسارىپ, جەتىستىكتەر ەسەلەنە ءتۇستى. سونىڭ ناتيجەسىندە قاجەتتى قۇرالدار جاڭارتىلىپ, جاتتىعۋعا قولايلى مۇمكىندىك جاسالدى. فەدەراتسيا بۇكىل ەل بويىنشا فيليالدىق جەلىلەرىن بەلسەندى كەڭەيتىپ جاتىر. جاقىندا اتاقتى وليمپيادا چەمپيونى دميتري بالاندين فەدەراتسيانىڭ باس حاتشىسى بولىپ تاعايىندالدى.
سۋ سپورتى تۇرلەرىن دامىتۋ سالاسىندا جاسالىپ جاتقان جۇمىس جەمىسىن بەرىپ تە جاتىر – بيىلعى الەم كۋبوگىنىڭ ءتورت كەزەڭىنىڭ قورىتىندىسى بويىنشا ەلىمىزدىڭ سپورتشىلارى الەمدىك رەيتينگتە جوعارىلاي ءتۇستى. قىزدار دۋەتى بويىنشا ياسمين تۇياقوۆا, ارينا پۋشكينا جانە دايانا جامانشالوۆا الەمدىك رەيتينگتە ەكىنشى ورىندا تۇر. «ميكس دۋەت» باعدارلاماسىندا ۆالەريا ستولبۋنوۆا مەن ارتۋر مايدانوۆ ۇزدىك ۇشتىكتى قورىتىندىلادى. توپتاردىڭ جەتىستىكتەرى, ياعني تەحنيكالىق, ەركىن جانە اكروباتيكالىق باعدارلامالار قورىتىندىسى بويىنشا نارگيزا بولاتوۆا, ۆيكتور درۋزين, ايگەرىم قۇرمانعاليەۆا, كسەنيا ماكاروۆا, ارينا مياسنيكوۆا, اننا پاۆلەتسوۆا, جاكلين ياكيموۆا, جانيا جيەنعازى, ياسمين تۇياقوۆا, ۆالەريا ستولبۋنوۆا الەم بويىنشا ۇزدىكتەردىڭ قاتارىنان كورىندى.
سينحروندى (ارتىستىك) جۇزۋدەن سپورتشىلاردىڭ وسىنداي جوعارى جەتىستىكتەرگە جەتىپ, تورتكۇل دۇنيەنىڭ كىل مىقتىلارى قاتارىنا قوسىلۋى – قۋانتارلىق جايت. الداعى ۋاقىتتا دا وتاندىق سۋ سپورتى دامىپ, تالاي دودادا ولجالى بولاتىنىنا سەنىم مول.
