«بارلىق ماركالى اۆتوموبيل بەنزينىن شىعارۋ كولەمى 775,2 مىڭ توننا بولدى. اسىرەسە اي-95 جوعارى وكتاندى بەنزين ءوندىرىسىنىڭ كولەمى 16%-عا ءوسىپ, 140,8 مىڭ تونناعا جەتتى. جىل باسىندا 7,8 مىڭ بەنزول شىعارۋ كوزدەلگەن ەدى. بەس ايدا بۇل ءونىمنىڭ ءوندىرىسى ەداۋىر ءوسىپ, 24,6 مىڭ توننا بولدى», دەيدى ق.بيشيموۆ.
باس ديرەكتوردىڭ دەرەگىنشە, كاسىپورىندا مازۋت ءوندىرىسى قىسقارعان. بىراق بۇل نەعۇرلىم قۇندى جەڭىل مۇناي ونىمدەرى ءوندىرىسىن ۇلعايتۋ ستراتەگياسىنا ساي كەلەدى. «زاۋىتتا ساپا كورسەتكىشتەرى جاقساردى. ماسەلەن, مۇناي وڭدەۋ تەرەڭدىگى 89%-عا جۋىقتادى. جەڭىل مۇناي ونىمدەرىن شىعارۋ كولەمى 77%-عا جەتىپ, جوسپارلانعان كورسەتكىشتەن اسىپ وتىر», دەيدى باس ديرەكتور.
كومىرسۋتەكتى شيكىزاتتى وڭدەۋ سالاسىنداعى كاسىپورىننىڭ بۇرىنعى ءتاريفى 1 توننا مۇنايدى وڭدەۋگە 54 450 تەڭگە ەدى. 1 مامىردا جاڭا تاريف بەكىتىلدى. ەندى قوسىلعان قۇن سالىعىن ەسەپكە الماعاندا, ءبىر توننا ءۇشىن 47 000 تەڭگە بولماق. بۇل بۇرىنعى تاريفتەن 7 450 تەڭگەگە ارزان. كاسىپورىنعا ءتاريفتى تومەندەتۋدىڭ قانداي تيىمدىلىگى بار؟ بىرىنشىدەن, مۇنداي شەشىم مۇناي ءوندىرۋشى كومپانيالاردىڭ تابىسىن تەڭەستىرۋ ءۇشىن قابىلدانىپ وتىر. ەكىنشىدەن, ەلىمىزدەگى بارلىق مۇناي وڭدەۋ زاۋىتىنا مۇناي جەتكىزۋشىلەرگە بىردەي جاعداي جاساۋعا ءارى ەكونوميكالىق احۋالدى تەڭەستىرۋگە ىقپال ەتەدى. ۇشىنشىدەن, ىشكى نارىقتاعى مۇناي ونىمدەرىن ودان ءارى نىعايتۋعا جول اشادى.
كاسىپورىن ءباسپاسوز قىزمەتىنىڭ مالىمدەمەسىندە ءتاريفتىڭ تومەندەۋى ءاموز كرەديتتىك مىندەتتەمەلەرىن وتەۋ كەستەسىن وڭتايلاندىرۋ ناتيجەسىندە مۇمكىن بولدى دەلىنگەن. قازىر زاۋىتتا ءوندىرىس قاۋىپسىزدىگىنە باسا نازار اۋدارىلىپ وتىر. تاياۋدا «قازمۇنايگاز» كومپانياسىنىڭ 2025–2027 جىلدارعا ارنالعان وندىرىستىك قاۋىپسىزدىك, ەڭبەك جانە قورشاعان ورتانى قورعاۋدىڭ جاي-كۇيىن جاقسارتۋ جونىندەگى جول كارتاسى اياسىندا زاۋىت قىزمەتكەرلەرى بەتپە-بەت سوقتىعىستى يميتاتسيالايتىن قۇرىلعىنى سىناقتان وتكىزدى.ەڭبەك قاۋىپسىزدىگى جونىندەگى باس تەحنيكالىق جەتەكشى ارمان ديمۇقاشەۆتىڭ ايتۋىنا قاراعاندا, قۇرىلعى ساعاتىنا 10 شاقىرىمعا دەيىنگى جىلدامدىقتاعى بەتپە-بەت سوقتىعىس كۇشىنە توتەپ بەرەدى.
اتىراۋ وبلىسى
