حابارلاماعا سايكەس, يران, يزرايل, سيريا, يراك, يوردانيا جانە ليۆان ەلدەرىنىڭ اۋماعىندا, سونداي-اق وسى مەملەكەتتەردىڭ اۋە كەڭىستىگىندە جانە وعان جاقىن ايماقتاردا اۋە قوزعالىسىنا تولىق تىيىم سالىنعان.
«بۇل شەكتەۋ ارنايى بۇيرىق شىققانعا دەيىن كۇشىندە بولادى. ۆەدومستۆونىڭ نۇسقاۋى وتاندىق اۋە تاسىمالداۋشىلاردىڭ بارلىق تۇردەگى رەيستەرىنە – تۇراقتى, تۇراقسىز جولاۋشىلار تاسىمالىنا, جۇك جانە تەحنيكالىق ۇشۋلارعا دا قاتىستى», – دەلىنگەن كوميتەت حابارلاماسىندا.
وسىعان بايلانىستى مينيسترلىك ازاماتتار مەن تۋريستەرگە ساقتىق تانىتىپ, جوسپارلانعان ساپارلارعا, اسىرەسە بىرىككەن اراب امىرلىكتەرى مەن پارسى شىعاناعى ەلدەرىنە بارۋعا بايلانىستى شەشىمدى مۇقيات ويلاستىرۋدى ۇسىنادى.
قازاقستاننىڭ اۆياتسيالىق اكىمشىلىگىنىڭ اۆياتسيالىق قاۋىپسىزدىك دەپارتامەنتى وڭىردەگى احۋال وزگەرگەن جاعدايدا قوسىمشا اقپارات جاريالايدى.
سونداي-اق قر تۋريزم جانە سپورت مينيسترلىگى جاعدايدى ءجىتى باقىلاۋدا ۇستاپ وتىر. مينيسترلىك جاۋاپتى مەملەكەتتىك ورگاندارمەن, ديپلوماتيالىق وكىلدىكتەرمەن جانە تۋروپەراتورلارمەن تۇراقتى بايلانىس ورناتقان. قاجەت بولعان جاعدايدا, تۋريستىك قامقور جۇيەسى مەن اۋە كومپانيالارىمەن بىرلەسە وتىرىپ, شەتەلدە جۇرگەن قازاقستاندىق تۋريستەردى ەلگە قايتارۋ شارالارى قابىلداناتىنى اتاپ ءوتىلدى.
