سالا وكىلدەرىنىڭ ايتۋىنشا, «روساتوم» مەملەكەتتىك كورپوراتسياسىمەن ارىپتەستىك ورناتۋ قازاقستانعا ءبىلىم بەرۋ جۇيەسىندە بىرىزدەندىرىلگەن نورماتيۆتىك قۇجاتتار مەن ستاندارتتاردى بىردەن ەنگىزۋگە جول اشادى. بۇل بولاشاق مامانداردىڭ كاسىبي ورتاعا كەدەرگىسىز قوسىلۋىن قامتاماسىز ەتەدى. سونىمەن قاتار قوسىمشا دايارلىققا كەتەتىن ۋاقىت پەن شىعىندى قىسقارتۋعا مۇمكىندىك بەرەدى.
– مەن اتوم سالاسىنداعى كەز كەلگەن جەتىستىكتىڭ مىقتى كادرلىق نەگىزدەن باستالاتىنىنا سەنىمدىمىن. بۇگىن ءبىز سول ىرگەتاستى قالاۋعا كىرىستىك, – دەدى يادرولىق فيزيكا ينستيتۋتىنىڭ باس ديرەكتورى س.ساحيەۆ.
بۇگىنگى تاڭدا ەلىمىزدىڭ جەتەكشى جوعارى وقۋ ورىندارى – د.سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتى, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى, ءال-فارابي اتىنداعى قازاق ۇلتتىق ۋنيۆەرسيتەتى, ع. داۋكەەۆ اتىنداعى الماتى ەنەرگەتيكا جانە بايلانىس ۋنيۆەرسيتەتى سىندى ءبىلىم وردالارى, سونداي-اق شەتەلدىك جەتەكشى وقۋ ورىندارى فيزيكا, ەنەرگەتيكا, ەلەكتروتەحنيكا جانە تاۋ-كەن ينجينيرينگى باعىتتارى بويىنشا 18 ءبىلىم بەرۋ باعدارلاماسى اياسىندا كادرلار دايارلاۋعا كىرىستى.
سونىمەن قاتار قوس ديپلوم باعدارلامالارى – يادرولىق فيزيكا مەن ينجەنەريا, تەوريالىق يادرولىق فيزيكا جانە اتوم ەنەرگەتيكاسى سالالارىندا دا جۇزەگە اسىرىلىپ جاتىر.
2024–2025 وقۋ جىلىنا اتوم سالاسىنا قاتىستى ماماندىقتار بويىنشا 5 000-نان استام ءبىلىم بەرۋ گرانتى ءبولىندى. بۇل كورسەتكىش الدىڭعى وقۋ جىلدارىمەن سالىستىرعاندا ەداۋىر كوپ. ماسەلەن, 2023–2024 جىلدارى بۇل سالادا وقيتىن ستۋدەنتتەر سانى بار بولعانى 250 ادامدى قۇراسا, 2011–2023 جىلدار ارالىعىندا وتاندىق جوعارى وقۋ ورىندارى نەبارى 1 600 مامان دايارلاعان.
ايتا كەتەيىك, قازاقستاندا يادرولىق فيزيكا ينستيتۋتى مەن ۇلتتىق يادرولىق ورتالىق سەكىلدى عىلىمي-زەرتتەۋ ينستيتۋتتارى جۇمىس ىستەيدى. وسى مەكەمەلەردىڭ بازاسىندا بۇگىنگە دەيىن 5 000-نان استام مامان دايارلانعان.
– كادرلار – يدەيالاردى شىندىققا اينالدىراتىن, اتوم سالاسىنىڭ دامۋ ۆەكتورىن ايقىندايتىن باستى رەسۋرس, – دەدى س.ساحيەۆ.
