جيىنعا قازاقستاننىڭ رەنن قالاسىنداعى قۇرمەتتى كونسۋلى جاننار اۆار-تۋرەباەۆا, فرانتسيانىڭ ەۋروپا جانە سىرتقى ىستەر مينيسترلىگى, ءبىلىم جانە مادەنيەت مەكەمەلەرىنىڭ وكىلدەرى, قازاق دياسپوراسىنىڭ مۇشەلەرى, سونداي-اق 2020 جىلى «اباي» كىتابىنىڭ جارىق كورۋىنە اتسالىسقان فرانتسۋز ازاماتتارى قاتىستى.
قازاقستاننىڭ فرانتسياداعى ەلشىسى گۇلسارا ارىستانقۇلوۆا ءوز سوزىندە اباي مۇراسىنىڭ قازاق حالقىنىڭ رۋحاني بايلىعىنىڭ تۇعىرى ەكەنىن ەرەكشە اتاپ ءوتتى. سونىمەن قاتار, ەلشى فرانتسۋز تاراپىنا ابايدى ۇلىقتاۋعا كورسەتكەن قولداۋى ءۇشىن, اتاپ ايتقاندا ءپاريجدىڭ XVI وكرۋگىندەگى اقىندار الاڭىندا اباي ء#بيۋستىنىڭ ورناتىلۋىنا ىقپال ەتكەنى ءۇشىن ريزاشىلىعىن ءبىلدىردى. ول اباي شىعارماشىلىعىنداعى گۋمانيزم مەن فيلوسوفيالىق تەرەڭدىك حالىقتار اراسىنداعى رۋحاني كوپىرگە اينالىپ, قازاقستان مەن فرانتسيا اراسىنداعى مادەني بايلانىستاردى نىعايتا تۇسەتىنىن ايتتى.
ءوز كەزەگىندە, فرانتسيانىڭ اكادەميالىق پالمالار وردەنىنىڭ يەگەرى, قازاقستان رەسپۋبليكاسىنىڭ بەيبىتشىلىك جانە رۋحاني كەلىسىم سىيلىعىنىڭ لاۋرەاتى, پروفەسسور البەر فيشلەر ابايدىڭ يدەيالارى قازىرگى زامان ءۇشىن اسا وزەكتى ەكەنىن ايتىپ, ونىڭ پوەزياسى مەن فيلوسوفياسىنىڭ امبەباپ قۇندىلىقتارمەن ۇندەسەتىنىن اتاپ ءوتتى.
اباي پوەمالارى مەن قارا سوزدەرىن فرانتسۋز تىلىنە اۋدارعان كريستين زەۋتۋنيان-بەلۋس دوڭگەلەك ۇستەل اياسىندا اۋدارماشىلىق بارىسىنداعى وي-پىكىرلەرىن ءبىلدىرىپ, ۇلى اقىننىڭ بىرنەشە ولەڭىن ناقىشىنا كەلتىرە وقىپ بەردى.
شارا بارىسىندا قاتىسۋشىلار اباي قۇنانباي ۇلىنىڭ شىعارمالارىن قازاق جانە فرانتسۋز تىلدەرىندە وقىپ, ۇلى ويشىلدىڭ ماڭگىلىك مۇراسىن دارىپتەدى. كەش سوڭىندا ارنايى كەلگەن ءانشى Assem Muze مۋزىكانتتارمەن بىرگە ابايدىڭ #اندەرىن قازاق جانە فرانتسۋز تىلدەرىندە ورىنداپ, كورەرمەندەرگە ەرەكشە اسەر قالدىردى.
ايتا كەتۋ كەرەك, قازىرگى تاڭدا فرانتسيادا اباي قۇنانباي ۇلىنىڭ ەكى ءبيۋستى ورناتىلعان: العاشقىسى — 2016 جىلى #رەنن قالاسىندا, ال ەكىنشىسى — 2020 جىلى پاريجدە اشىلدى. جىل سايىن وسى مۇسىندەر ماڭىندا قازاقستاندىقتار مەن فرانتسۋزدار جينالىپ, ۇلى ويشىلدىڭ رۋحىنا تاعزىم ەتىپ, اباي مۇراسىن ۇلىقتايدى.
