بايراقتى دودادا الەمنىڭ 9 ەلىنەن كەلگەن 19 كوماندا باق سىنادى. جارىس كرىلاتسكوە اۋدانىنداعى وليمپيادا قالاشىعىندا ورنالاسقان «باسكەت حولل» سپورت كەشەنىندە ۇيىمداستىرىلدى.
قازاقستان رەسپۋبليكاسىنان بۇل تۋرنيرگە ىشكى ىستەر مينيسترلىگىنىڭ ء(ىىم) قۇراماسى قاتىسىپ ءوز كۇشتەرىن سىنادى. اتالمىش قۇراما كوماندانىڭ قۇرامىندا ۇلتتىق ۇلاننىڭ سپورتشىسى دا بولدى. ۇلتتىق ۇلان اتىنان جارىسقا قاتىسقان جالعىز جاۋىنگەر – 6505 اسكەري ءبولىمىنىڭ قىزمەتكەرى قاتارداعى قىلىش ەرەنقايىپوۆ 66 كەلى سالماق دارەجەسىندە بەلدەسىپ, قولا جۇلدەنى يەلەندى.
بۇل – تەك ۇلتتىق ۇلان ەمەس, كۇللى قازاقستاندىق سپورت ءۇشىن دە زور جەتىستىك. سونىمەن قاتار, قىلىش نۇرلان ۇلى جاقىندا عانا سەمەي قالاسىندا وتكەن ۇلتتىق ۇلاننىڭ ىشكى بىرىنشىلىگى – قازاق كۇرەسىنەن وتكەن چەمپيوناتتا قارسىلاستارىنا دەس بەرمەي, 1-ورىندى جەڭىپ العان بولاتىن. ەكى ءتۇرلى كۇرەس تۇرىنەن دە ۇزدىك ناتيجە كورسەتكەن جاس سارباز – ۇلتتىق ۇلاننىڭ ابىرويىن اسقاقتاتىپ, ءوز ەڭبەكقورلىعى مەن قايسارلىعىن دالەلدەدى.
قاراعاندى وبلىسى
