38 جاستاعى يسپانيالىق مامان «قايراتتىڭ» تىزگىنىن 2023 جىلى ۇستادى. ونىڭ باسشىلىعىمەن اتالعان كلۋب قازاقستان سۋپەركۋبوگىن ەكى رەت ولجالاپ, ەل كۋبوگىندە دارا شىقتى. پورتۋگاليادا وتكەن «Masters Cup» تۋرنيرىندە توپ جارىپ, ۋەفا چەمپيوندار ليگاسىنىڭ كۇمىس جۇلدەگەرى اتاندى. كوماندانىڭ باسشىلىعى مارلون ۆەلاسكوعا راحمەت ايتىپ, الداعى كۇندەرى دە ەڭبەگىنىڭ جەمىستى بولۋىنا تىلەكتەستىك ءبىلدىردى.
كەيبىر دەرەككوزدەرىنە سەنسەك, ەندى الماتىلىق كلۋبتىڭ باس باپكەرلىك قىزمەتىن وسى كوماندانىڭ سپورتتىق ديرەكتورى گۋستاۆو پارادەدا اتقارادى. 46 جاستاعى برازيليانىڭ فۋتزالشىسى 2004-2009 جىلدارى «قايراتتىڭ» ساپىندا وينادى. كەيىننەن رەسەي ازاماتتىعىن الىپ, التى جىل سول ەلدىڭ تۋى استىندا ونەر كورسەتتى. سپورتتىق كارەراسىن اياقتاعاننان كەيىن «روستوۆ», «نوريلسكي نيكەل» جانە «قايراتتا» جاتتىقتىرۋشى قىزمەتىن اتقاردى.
