فوتو: استانا قالاسىنىڭ اكىمدىگى
بايقاۋدىڭ باستى ماقساتى – قوقىس جيناۋ مەن شىعارۋعا, كوشەلەر مەن قوعامدىق ورىنداردى تازالاۋعا باعىتتالعان جۇمىستاردى ناسيحاتتاۋ, «استانا تازالىق» كاسىپورنىنىڭ قىزمەتىن كەڭىنەن تانىتۋ جانە جۇمىسشى ماماندىقتار جىلى اياسىندا تازالىقتى قامتاماسىز ەتەتىن سالا ماماندارىنا نازار اۋدارۋ.
بايقاۋعا قازاقستاندىق بۇقارالىق اقپارات قۇرالدارىنىڭ جۋرناليستەرى مەن بلوگەرلەرى قاتىسا الادى. شىعارماشىلىق سايىس كەلەسى ءتورت نوميناتسيا بويىنشا وتەدى:
1) «ۇزدىك تەلەۆيزيالىق ماتەريال»;
2) «الەۋمەتتىك جەلىلەردەگى ۇزدىك جاريالانىم»;
3) «باسپا باسىلىمىنداعى ۇزدىك ماقالا»;
4) «ينتەرنەت-باسىلىمداعى ۇزدىك جاريالانىم».
بايقاۋعا 2025 جىلعى 15 مامىر مەن 30 ماۋسىم ارالىعىندا مەملەكەتتىك نەمەسە ورىس تىلىندە شىققان جۇمىستار قابىلدانادى. بايقاۋعا ۇسىنىلاتىن جۇمىستار سانى شەكتەلمەگەن.
جۇمىستاردى تاۋەلسىز كوميسسيا باعالايدى. كوميسسيا قۇرامىنا كوممۋنالدىق سالا ماماندارى مەن تاجىريبەلى جۋرناليستەر كىرەدى. قازىلار القاسى تومەندەگى كريتەريلەرگە سۇيەنە وتىرىپ باعالايدى:
1) بەرىلگەن تاقىرىپتىڭ وزەكتىلىگى جانە سايكەستىگى;
2) تاقىرىپتى اشۋ تەرەڭدىگى جانە ۇسىنىلعان اقپاراتتىڭ شىنايىلىعى;
3) بايانداۋ ءستيلى;
4) اۆتورلىق پايىمنىڭ بىرەگەيلىگى.
بايقاۋعا قاتىسۋ ءۇشىن ماتەريالدار كەلەسى ەلەكتروندى پوشتا ارقىلى قابىلدانادى: astana_tazalyk@mail.ru.
بايلانىس ءنومىرى: +7 700 259 2188. جۇمىستاردى قابىلداۋ ۋاقىتى: 2025 جىلعى 30 ماۋسىم, ساعات 18:00-گە دەيىن (استانا ۋاقىتىمەن).
بايقاۋ قورىتىندىسى 2025 جىلعى 3-4 شىلدە ارالىعىندا جاريالانادى.
