اتالعان قۇجاتقا «كازتسينك» جشس, «تمك» اق, «ۋمز» اق, «ۆوستوكماشزاۆود», وسكەمەن ماي زاۋىتى, سونداي-اق بارلىق جىلۋ ەنەرگەتيكا نىسان باسشىلارى قول قويدى.
مەموراندۋمعا قول قويۋ ءراسىمىنىڭ 5 ماۋسىم – قورشاعان ورتانى قورعاۋدىڭ دۇنيەجۇزىلىك كۇنىمەن جانە ەكولوگتار كاسىبي مەرەكەسىمەن تۇسپا-تۇس كەلۋى – ەرەكشە مانگە يە. بۇل كۇنى تابيعاتتى ساقتاۋ جولىندا ەڭبەك ەتىپ جۇرگەن, ەكولوگيالىق اعارتۋ, باقىلاۋ جانە تۇراقتى شەشىمدەردى ەنگىزۋمەن اينالىساتىن بارشا جاندارعا شىنايى العىسىمدى بىلدىرەمىن. سىزدەردىڭ ەڭبەكتەرىڭىز – بولاشاق ۇرپاق پەن بۇكىل پلانەتامىز ءۇشىن جاسالىپ جاتقان باعا جەتپەس ۇلەس.
– ونەركاسىپتىك كاسىپورىندار باسشىلارىنا اشىق ديالوگ پەن بىرلەسكەن جۇمىسقا دايىن ەكەنى ءۇشىن ريزاشىلىعىمدى بىلدىرەمىن. تەك سەرىكتەستىك, ءوزارا سەنىم جانە تۇراقتى دامۋ ارقىلى عانا ءوڭىرىمىزدىڭ ەكولوگيالىق ءال-اۋقاتىن ساقتاي الامىز. قاتىسۋشىلاردى وسى قۇجاتپەن شەكتەلىپ قالماي, بۇل باعىتتا جۇيەلى جۇمىستى جالعاستىرىپ, ەڭ وزىق قولجەتىمدى تەحنولوگيالاردى ەنگىزۋگە, ەكولوگيالىق جاۋاپكەرشىلىك پەن وندىرىستىك مادەنيەتتى ارتتىرۋعا شاقىرامىن, – دەدى شقو اكىمى نۇرىمبەت ساقتاعانوۆ.
مەموراندۋم قمج تۋىنداعان جاعدايدا, سونداي-اق ەكولوگيالىق سيپاتتاعى توتەنشە جاعدايلار كەزىندە بارلىق تاراپتاردىڭ ۇيلەستىرىلگەن ءىس-قيمىلدارىن كوزدەيدى. بۇل – شىعارىندىلاردى جەدەل تۇردە ازايتۋ, اقپارات الماسۋدىڭ اشىقتىعى, مونيتورينگكە قاتىسۋ جانە ەڭ باستىسى – قورشاعان ورتانىڭ لاستانۋىن بولدىرماۋعا باعىتتالعان الدىن الۋ شارالارى.
اتالعان قۇجات ونەركاسىپ سەكتورىنىڭ ترانسفورماتسياسى مەن تۇراقتى دامۋى سالاسىنداعى كۇش-جىگەردى ۇيلەستىرۋدىڭ نەگىزىنە اينالماق.
شىعىس قازاقستان وبلىسى
