فوتولار: قمدب
«اللا تاعالا پەندەلەرىنىڭ ىزگىلىك امال اتقارىپ, كوبىرەك ساۋاپ ىستەر جاساۋى ءۇشىن كەيبىر كۇندەر مەن تۇندەردى باسقالارىنان ارتىق ەتىپ قويدى. سونداي مۇسىلمان بالاسىنىڭ جاراتۋشىسىنىڭ كەشىرىمىنە بولەنۋگە تىرىسىپ, ىزگى امالدارعا ەرەكشە ىنتا تانىتۋى قاجەت ۋاقىتتىڭ ءبىرى – وسى قۇربان ايت مەرەكەسىنىڭ كەزەڭى. بۇل اي مۇسىلمان كۇنتىزبەسىندە زۇلحيججا ايى دەپ اتالادى.
زۇلحيججا ايى مۇسىلماندار ءۇشىن اسا قۇرمەتتى دە جانە ارداقتى ايلاردىڭ ءبىرى. بۇل ايدىڭ العاشقى ون كۇنىندە جاسالاتىن عيباداتتاردىڭ قادىرى وتە جوعارى. اللا تاعالا قاسيەتتى قۇراننىڭ ء«فاجر» سۇرەسىنىڭ العاشقى ەكى اياتىندا: «تاڭ شاپاعىنا سەرت. جانە (مۇباراك) ون تۇنگە سەرت», دەپ ايتقان.
ارداقتى پايعامبارىمىز (وعان اللانىڭ سالاۋاتى مەن سالەمى بولسىن) زۋلحيججا ايىنىڭ العاشقى ون كۇنى جايىندا: «اللا تاعالاعا وسى (ون) كۇندە ىستەلگەن يگى ىستەن جاقسىراق امال جوق» (يمام بۇحاري)», دەپ اتاپ ءوتتى ناۋرىزباي قاجى تاعان ۇلى.
ايت نامازىنان كەيىن باس ءمۇفتي ەلىمىزدىڭ تىنىشتىعى مەن بولاشاعى ءۇشىن دۇعا جاساپ, اتا-بابالار رۋحىنا قۇران اياتتارىن باعىشتادى.
